News Flash

दहा रुपयांच्या वादातून कोंबडी विक्रेत्याची हत्या

दहा रुपये कमी दिल्याच्या वादातून झालेल्या हल्ल्यात एका चिकन विक्रेत्याला आपला प्राण गमवावा लागला. लोअर परळ येथील धनमील कंपाऊंडजवळ सोमवारी ही घटना घडली.

| January 28, 2015 12:04 pm

दहा रुपये कमी दिल्याच्या वादातून झालेल्या हल्ल्यात एका चिकन विक्रेत्याला आपला प्राण गमवावा लागला. लोअर परळ येथील धनमील कंपाऊंडजवळ सोमवारी ही घटना घडली. फिरोज शेख असे या हल्ल्यात मरण पावलेल्या चिकन विक्रेत्याचे नाव आहे.
लोअर परळ येथील धनमील नाक्यावर पालिका कार्यालयासमोर फिरोज शेख (३५) याचे चिकनचे दुकान आहे. सोमवारी दुपारी याच भागात वडापाव विक्री करणारे कुंदन चौधरी (२४), संजय कुमार भारती ९२०) आणि दामोदर साहू (२०) हे तिघे जण फिरोजच्या दुकानात कोबंडीचे मटण घेण्यासाठी गेले होते. फिरजने त्यांना १०५ रुपयांचे मटण दिले. परंतु या तिघांनी फिरोजला १० रुपये कमी दिले. त्यामुळे फिरोजने त्यांना जाब विचारला. त्यातून त्यांच्यात वाद सुरू झाला. वाद वाढल्याने मारामारी झाली. या तिघांनी फिरोजला बेदम मारहाण केली. त्यात फिरोज बेशुद्ध पडला. त्याला उपचारासाठी केईएम रुग्णालयात दाखल करण्यात आले. तेथे त्याचा मृत्यू झाला. ना.म.जोशी मार्ग पोलिसांनी हत्येप्रकरणी या तिघांना अटक केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 28, 2015 12:04 pm

Web Title: chicken trader murder for ten rupee
Next Stories
1 नर्सरी प्रवेश : वयाची अंमलबजावणी लांबणीवर
2 अखंड ज्योतीचा खर्च पालिकेकडूनच
3 मोबाइल नेटवर्कची तक्रार आता थेट ट्रायकडे
Just Now!
X