मंत्रालयात पडून मजुराचा मृत्यू

मंत्रालयात दुरुस्तीचे काम सुरू असताना तिसऱ्या मजल्यावरून पडल्याने एका कामगाराचा मृत्यू झाल्याची घटना रविवारी घडली. हा मजूर तिसऱ्या मजल्यावर काचा पुसत होता.
मंत्रालयाच्या दुरुस्तीचे काम सध्या सुरू असून अनेक मजूर येथे कामावर आहेत. यापैकी रघुवर वाल्मिक विश्वकर्मा (२०)याचा तोल जाऊन खाली पडल्यामुळे मृत्यू झाला. त्याचा मृतदेह शवविच्छेदनासाठी जे. जे. रुग्णालयात नेण्यात आला. याबाबत पोलिसांशी संपर्क साधला असता अधिक माहिती मिळू शकली नाही.

First Published on August 12, 2013 3:32 am