भाजपाच्या चित्रा वाघ यांनी घेतली विश्वास नांगरे पाटील यांची भेट; केली महत्त्वाची मागणी

गडचिरोली: ग्रामपंचायत निवडणुकीत भाजपाला मोठं यश

धनंजय मुंडेंवर झालेला बलात्काराचा आरोप धक्कादायक होता. पण ज्या पद्धतीने तक्रार मागे घेतली गेली, तेदेखील तितकंच धक्कादायक आहे, असं मत वाघ यांनी व्यक्त केलं होतं. त्यानंतर आज त्यांनी मुंबई पोलीस सहआयुक्त विश्वास नांगरे पाटील यांची भेट घेतली. “मुंबईपोलिस सहआयुक्तांची भेट घेत खोटे आरोप करणाऱ्या रेणू शर्मावर गुन्हा दाखल व्हावा ही मागणी केली. हे प्रकरण धनंजय मुंडे – रेणू शर्मापुरते मर्यादित नसून यात योग्य कारवाई झाली नाही, तर याचे दूरगामी परिणाम राज्यातील लेकी-बाळींना भोगावे लागतील. त्यामुळे या प्रकरणी तात्काळ कारवाई व्हावी”, अशी मागणी केल्याचे ट्विट चित्रा वाघ यांनी केले.

मुंबईपोलिस सहआयुक्त @vishwasnp यांची भेट घेतं खोटे आरोप करणार्या रेणू शर्मावर गुन्हा दाखल व्हावा ही मागणी केली

हे प्रकरण धनंजय मुंडे-रेणू शर्मा पुरती मर्यादीत नसून यात योग्य कारवाई झाली नाही तर याचे दुरगामी परीणाम राज्यातील लेकीबाळींना भोगावे लागतील
यासाठी तात्काळ कारवाई व्हावी pic.twitter.com/BRhLWkqy76

— Chitra Kishor Wagh (@ChitraKWagh) January 23, 2021

“रेणू शर्मा हिने बलात्कारासारखा गंभीर आरोप करुन नंतर तक्रार मागे घेतल्यामुळे खऱ्या पीडितांकडे बघण्याचा समाजाचा दृष्टिकोन बदलेल. अशा परिस्थितीत खोटे आरोप केल्याप्रकरणी मुंबई पोलिसांनी रेणू शर्मांवर तात्काळ कारवाई करायला हवी. खोटे आरोप करणं, खोटे गुन्हे दाखल करणं चुकीचंच आहे. खोट्या आरोपांमुळे राजकीय कार्यकर्ता असू दे किंवा सामान्य माणूस असू दे, तो उद्ध्वस्त व्हायला वेळ लागत नाही. त्यामुळे मुंबई पोलिसांनी खोटे आरोप लावणाऱ्या रेणू शर्मावर तात्काळ IPC192 नुसार कारवाई करावी”, असे मत चित्रा वाघ यांनी ट्विटरवर व्हिडिओ पोस्टद्वारे आधीच केली होती.