26 January 2021

News Flash

मध्य रेल्वे मार्गावरील प्रवाशांचे आज होणार हाल

गणेशोत्सवाच्या पहिल्याच दिवशी मध्य रेल्वेच्या प्रवाशांचे हाल होणार

( संग्रहीत प्रतिकात्मक छायाचित्र )

गणेशोत्सवाच्या पहिल्याच दिवशी मध्य रेल्वेच्या प्रवाशांना काही प्रमाणात अडचणींना सामोरे जावे लागणार आहे. कारण, मध्य रेल्वेने गणेश चतुर्थीनिमित्त रविवारप्रमाणे वेळापत्रक जाहीर केले आहे. त्यानुसार, रविवारी सोडण्यात येणाऱ्या लोकप्रमाणेच फेऱ्या चालवण्यात येणार आहेत. परिणामी काही लोकल धावणार नसल्यामुळे प्रवाशांचे हाल होण्याची शक्यता आहे.

रेल्वे सेवेतील अधिकारी, कर्मचाऱ्यांना गणेशसेवेची संधी उपलब्ध होण्यासाठी सुट्ट्यांचे नियोजन करण्यासाठी हा बदल केल्याची शक्यता आहे. मात्र, गणेश चतुर्थीच्या दिवशी रविवार वेळापत्रकाप्रमाणे गाड्या सोडण्याचे जाहीर केल्याने प्रवाशांना त्रासास सामोरे जावे लागणार आहे. रविवारच्या ब्लॉक काळात मध्य रेल्वेवर ३० टक्के कमी लोकल फेऱ्या चालविल्या जातात. घरगुती गणपतीबरोबरच मुंबईतील मोठय़ा सार्वजनिक गणपतींचेही पहिल्याच दिवशी दर्शन घेण्यासाठी नागरिक बाहेर पडतात. प्रवाशांची संख्या वाढते. त्यांना कमी लोकलफेऱ्यांमुळे अडचणींचा सामना करावा लागण्याची शक्यता आहे. मध्य रेल्वेने आगाऊ सूचना दिली असून त्याप्रमाणे प्रवासाचे नियोजन करावे लागेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 13, 2018 9:14 am

Web Title: ganesh chaturthi central railway timetable will be as per sunday mega block schedule
Next Stories
1 गणरायाच्या प्रतिष्ठापनेसाठी गुरुजींना वेळ नाही? चिंता नको, हा व्हिडिओ पाहून तु्म्हीच करा स्थापना
2 विघ्नहर्त्या गणरायाचे वाजतगाजत आगमन ! मुंबई, पुण्यासह अवघा महाराष्ट्र भक्तीरसात चिंब
3 निर्विघ्नं कुरु मे देव!
Just Now!
X