News Flash

पर्यावरण रक्षणासाठी मुंबई उच्च न्यायालयाचा महत्त्वपूर्ण निर्णय; कामकाजासाठी वापरणार ‘हे’ कागद!

मुंबई हायकोर्टाने हिरव्या रंगाचा लेजर फूलस्केप साईज पेपर न वापरण्याच्या सूचना केल्या आहेत

Mumbai high court allowed the use a four size paper file petition
न्यायालयीन कामासाठी आता ए४ आकारांच्या कागदाचा वापर करावा लागणार

कागदाचा कमीत कमी वापर करत “पर्यावरण वाचवा” हा संदेश देण्यासाठी यासाठी मुंबई हायकोर्टाने हिरव्या रंगाचा लेजर फूलस्केप साईज पेपरऐवजी दोन्ही बाजूंनी छापलेले ए ४ आकाराचे पेपर वापरुन वकिलांना बाजू मांडण्याची परवानगी देण्याचा निर्णय घेतला आहे. सरन्यायाधीश दीपंकर दत्ता आणि न्यायमूर्ती गिरीश एस कुलकर्णी यांच्या खंडपीठाने अ‍ॅडव्होकेट अजिंक्य मोहन उदाणे यांच्या बाजूने केलेल्या याचिकेवर सुनावणी करताना हा आदेश दिला. ए४ कागदाचा वापर केल्यामुळे मोठ्या प्रमाणात कागदाची बचत होईल आणि यामुळे मोठ्या प्रमाणात झाडे वाचतील, असे उदाणे म्हणाले.

मुंबई हायकोर्टाने कागदांचा वापर कमी करण्यासाठी ए४ आकाराचे कागद वापरण्याला परवानगी दिली आहे. त्यामुळे आता हिरव्या रंगाच्या ऐवजी पांढऱ्या ए४ कागदावर याचिका, अर्ज आणि प्रतिज्ञापत्र दाखल करता येणार आहेत. पांढऱ्या रंगाच्या ए४ कागदावर दोन्ही बाजूला मजकूर छापता येणार आहे.

वकील असणाऱ्या अजिंक्य उदाने यांनी न्यायालयिन आणि प्रशासकिय कामासाठी हिरव्या रंगाऐवजी ए४ आकाराचे कागद वापरण्यात यावे अशी मागणी करत याचिका दाखल केली होती. याचिकेत दावा करण्यात आला होता की, ए४ आकाराच्या पेपरमुळे मोठ्या प्रमाणात कागदाची बचत होते. तसेच यामुळे पर्यावरण रक्षणालादेखील हातभार लागेल.

दरम्यान, कोर्टाने चांगल्या गुणवत्तेचे (७५ जीएसएम) ए४ आकाराचे कागद वापरण्याची अधिसूचना काढली आहे. या कागदांच्या दोन्ही बाजूला छापण्यास परवानगी देण्यात आली आहे. हायकोर्टाकडून जारी करण्यात आलेला हा आदेश राज्यातील सर्व कोर्टांमध्ये लागू करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2021 8:49 pm

Web Title: mumbai high court allowed the use a four size paper file petition abn 97
टॅग : Bombay High Court
Next Stories
1 सातवा वेतन आयोग लागू करण्यासाठी निकष ठरविणार! जाणून घ्या मंत्रिमंडळाच्या बैठकीतील महत्वाचे निर्णय
2 Video : शेवटपर्यंत ही खंत राहिल; ‘ट्रॅजिडी किंग’च्या आठवणींनी नानांचा कंठ आला दाटून
3 धक्कादायक! मुंबईत ड्रग्जने भरलेल्या केकची विक्री, डॉक्टरला बेड्या; NCB ची मोठी कारवाई
Just Now!
X