scorecardresearch

Premium

आपत्कालीन साखळी खेचल्याने १९७ गाडया उशिराने 

मुंबई उपनगरीय रेल्वेतील संकटकालीन साखळी खेचण्याच्या घटनांमुळे दररोज १२ लोकल उशिरा धावतात, अशी माहिती देण्यात आली.

197 trains delayed due to alarm chain pulling incidents across maharashtra
(संग्रहित छायाचित्र)

मुंबई : मध्य रेल्वेवरील दररोज शेकडो लोकलसह रेल्वेगाडयांचा खोळंबा होतो. यासाठी अनेक कारणे असली, तरी प्रवासी गाडीतील आपत्कालीन साखळी खेचत असल्याने रेल्वेगाडय़ा उशिरा धावत असल्याचे मध्य रेल्वेने सांगितले. नोव्हेंबर २०२३ मध्ये आपत्कालीन साखळी खेचल्याने, १९७ रेल्वेगाडया विलंबाने धावल्याची माहिती मध्य रेल्वेकडून देण्यात आली.

हेही वाचा >>> दादर स्थानकातील फलाट क्रमांकांत बदल; आजपासून अंमलबजावणी

Pune Police, Mephedrone Smuggling, Arrest Man, west bengal, crime news, marathi news,
पुणे : ‘मेफेड्रोन’ प्रकरणात पश्चिम बंगालमधून एकजण ताब्यात
haj Pilgrims
हजयात्रेकरूंना त्यांचे पैसे परत मिळणार! ‘हे’ आहेत आदेश…
waiting journey for workers
रोहा दिवा मेमू रेल्वेची वेळ बदलल्यामुळे कामगारांना घरी परतण्याचा सव्वातासांचा प्रतिक्षा प्रवास
Speeding up the process of withdrawing crimes against traders in the Corona era Pune news
करोना काळातील व्यापाऱ्यांवरील गुन्हे मागे घेण्याच्या प्रक्रियेला वेग

अत्यावश्यक कारणांसाठी किंवा आपत्कालीन घटनेवेळी उपनगरीय आणि मेल, एक्स्प्रेसमध्ये आपत्कालीन साखळी  सुविधा देण्यात आली आहे. मात्र, प्रवासी अत्यंत क्षुल्लक कारणांसाठी आपत्कालीन साखळी ओढतात. यामुळे लोकल, मेल, एक्स्प्रेसचे संपूर्ण वेळापत्रक कोलमडते. एप्रिल ते नोव्हेंबर २०२३ या वर्षांत मध्य रेल्वेने एकूण ७९३ व्यक्तींविरुद्ध विनाकारण संकटकालीन साखळीच्या गैरवापराचे गुन्हे नोंदवले. त्यातून तब्बल २.७२ लाख रुपयांची दंडवसुली करण्यात आली. एप्रिल ते नोव्हेंबर २०२३ या कालावधीत मध्य रेल्वेवर, विनाकारण संकटकालीन साखळी खेचण्याच्या घटनांमुळे,  १,०७५ रेल्वेगाडया उशिराने धावल्या. त्यात मुंबई विभागातील ३४४ रेल्वेगाडया, भुसावळ विभागात ३५५ रेल्वेगाडय़ा, नागपूर विभागात २४१ रेल्वेगाडय़ा, पुणे विभागात ९६ रेल्वेगाडय़ा विभाग आणि सोलापूर विभागात ३९ रेल्वेगाडया होत्या. त्यात नोव्हेंबरमध्ये मध्य रेल्वेवर साखळी खेचण्याच्या घटनांमुळे   १९७ गाडय़ा उशिराने धावल्या. रेल्वेगाडय़ांचा सरासरी वक्तशीरपणा १० मिनिटांनी कमी झाला. त्यातील मुंबई विभागात ७३, भुसावळ विभागात ५३, नागपूर विभागात ३४, पुणे ३० आणि सोलापूर  ८ गाडय़ा होत्या. मुंबई उपनगरीय रेल्वेतील संकटकालीन साखळी खेचण्याच्या घटनांमुळे दररोज १२ लोकल उशिरा धावतात, अशी माहिती देण्यात आली.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 197 trains delayed due to alarm chain pulling incidents across maharashtra zws

First published on: 09-12-2023 at 04:38 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×