लोकसत्ता प्रतिनिधी

मुंबई : वायव्य मुंबई लोकसभा मतदारसंघातील महाविकास आघाडीचे शिवसेनेचे उमेदवार अमोल कीर्तिकर यांच्या प्रचारयात्रेत मुंबईत १९९३ मध्ये झालेल्या बॉम्बस्फोटातील आरोपी इक्बाल मुसा सहभागी झाल्याचा, तसेच तो कीर्तिकर यांच्यासोबत असल्याचा गंभीर आरोप भाजपने केला आहे. प्रचारयात्रेत कीर्तिकर यांच्या जवळ इक्बाल मुसा असल्याची छायाचित्रे आणि चित्रफित भाजपचे आमदार अमित साटम यांनी समाजमाध्यमांवर प्रसारित केली आहेत. त्यामुळे वायव्य मुंबईत महाविकास आघाडी आणि महायुतीमध्ये आरोप-प्रत्यारोपांच्या फैरी झडू लागल्या आहेत. दरम्यान, कीर्तिकर यांनी हे आरोप फेटाळून लावले आहेत.

Mahayuti base remains Analysis by Devendra Fadnavis
महायुतीचा जनाधार कायम! देवेंद्र फडणवीस यांचे विश्लेषण, उद्धव यांना सहानुभूती नसल्याचा दावा
Hemant Godse nashik lok sabha
“…तर निकाल वेगळा असता”, पराभवानंतर हेमंत गोडसेंची प्रतिक्रिया; म्हणाले, “भाजपाने त्यांच्या…”
lok sabha election 2024 ex punjab am amarinder singh s absence from the campaign
अमरिंदरसिंग यांच्या गैरहजेरीमुळे पंजाबमध्ये भाजप एकाकी
judge dog stolen
न्यायाधीशांच्या घरातून श्वानाची चोरी झाल्याचा आरोप; तब्बल २४ जणांवर गुन्हा दाखल; कुठे घडला प्रकार?
Harassment Case Brijbhushan Sharan Singh
“मी गुन्हा केलाच नाही, तर गुन्ह्याची कबुली…”; महिला कुस्तीपटूंच्या लैंगिक छळाच्या आरोपावर ब्रिजभूषण सिंह यांची प्रतिक्रिया
Swati Maliwal Case
Swati Maliwal Case : “हा माझ्या मुलावर अन्याय आहे, तो गेली १५ वर्ष…”; बिभव कुमार यांच्या अटकेनंतर वडिलांची प्रतिक्रिया
Case against BJP farmer MLA Rajendra Shilimkar Mahesh Bav pune
भाजपचे माजी नगरसेवक राजेंद्र शिळीमकर, महेश बावळे यांच्याविरुद्ध गुन्हा… ‘हे’ आहे कारण
atishi alleges bjp conspiracy in swati maliwal assault case
स्वाती मालिवाल मारहाण प्रकरण : ‘आप’कडून आरोपांचे खंडन, भाजपचे केजरीवालांविरोधात कारस्थान असल्याचा आरोप

महाविकास आघाडीने शिवसेनेचे अमोल कीर्तिकर यांना वायव्य मुंबई लोकसभा मतदारसंघात उमेदवार देऊन निवडणुकीच्या रिंगणात उतरविले आहे. तर भाजप शिवसेना महायुतीने शिंदे शिवसेनेचे रवींद्र वायकर उमेदवारी दिली आहे. या मतदारसंघात कीर्तिकर यांचा जोरदार प्रचार सुरू आहे. मात्र मुंबईत १९९३ मध्ये झालेल्या बॉम्बस्फोटातील आरोप इक्बाल मुसा उर्फ बाबा चौहान बुधवारी कीर्तिकर यांच्या प्रचारफेरीत दिसला, असा आरोप भाजपचे अंधेरीतील आमदार अमित साटम यांनी केला आहे. महाविकास आघाडीचे उमेदवार मुंबईकरांचे जीव घेणाऱ्या दहशतवाद्यांचे समर्थन घेताना दिसत असल्याचा आरोप साटम यांनी केला आहे.

आणखी वाचा- शिवाजी पार्क मैदानातील सभेसाठी मनसेला परवानगी, १७ मे रोजी भाजप आणि महायुतीचा मेळावा

दरम्यान, ठाकरे गटाने हे आरोप फेटाळून लावले आहेत. हा आरोप खोडसाळपणाचा आहे. प्रचारयात्रेमध्ये चारशे – पाचशे लोक येतात, जवळ येऊन स्वत:ची ओळख करून देतात. त्यातील सगळ्यांना उमेदवार व्यक्तीश: ओळखत नसतात. जर इक्बाल मुसा हा बॉम्बस्फोटातील आरोपी आहे, तर मग तो बाहेर कसा असा सवाल ठाकरे गटाचे वायव्य मुंबईतील निवडणूक प्रतिनिधी राजेश शेट्ये यांनी केला आहे.