बेस्टने प्रवाशांच्या सोयीसाठी ९ जुलैपासून पास वितरण व नुतनीकरण केंद्र सुरू करण्याचा निर्णय घेतला आहे. बेस्ट उपक्रमाची नियमित बस सेवा ८ जूनपासून सुरू झाल्यानंतरही पास सेवा उपलब्ध नव्हती. त्यामुळे प्रवाशांना तिकीट काढूनच प्रवास करावा लागत होता. आता २२ मार्च ते ७ जून या कालावधीत ज्या प्रवाशांना उपक्र माच्या बस सेवेचा लाभ घेता आला नव्हता, त्या प्रवाशांच्या बसपासचा वैधता कालावधी ‘उपभोगता न आलेल्या शिल्लक दिवसांच्या कालावधीकरीता’ विस्तारीत करण्यात येत आहे. प्रवाशांना या विस्तारीत कालावधीची वेगळी पावती प्रदान करण्यात येईल. या पावतीवर ‘विस्तारित’ वैधता कालावधी दर्शविण्यात येईल, अशी माहिती बेस्ट प्रशासनाने दिली.
