मुंबई : हार्बर मार्गावरील कुर्ला – वाशी स्थानकांदरम्यान रविवारी घेण्यात येणारा मेगाब्लॉक महिला क्रिकेट विश्वचषक अंतिम सामन्यामुळे रद्द करण्यात आला आहे. तर, मध्य रेल्वेच्या मुख्य मार्गावरील मेगा ब्लॉक नियोजित वेळापत्रकानुसार घेण्यात येईल.
महिला आंतरराष्ट्रीय विश्वचषक उपांत्य सामन्यापूर्वी हा मेगा ब्लॉक नियोजित करण्यात आला होता. आता सामना पाहण्यासाठी प्रवास करणाऱ्या क्रिकेटप्रेमींच्या सोयीसाठी कुर्ला ते वाशी स्थानकांदरम्यानचा हार्बर मार्गावरील मेगा ब्लॉक रद्द करण्यात आला आहे. हार्बर मार्गावरील गाड्या रविवारीच्या वेळापत्रकानुसार चालविण्यात येतील, अशी माहिती मध्य रेल्वे प्रशासनाने दिली.
