लोकसत्ता प्रतिनिधी

मुंबई : मीरा रोड येथे जानेवारीमध्ये झालेल्या हिंसाचारानंतर प्रक्षोभक भाषण केल्याप्रकरणी भाजपचे आमदार नितेश राणे, गीता जैन आणि तेलंगणाचे आमदार टी. राजा यांच्या विरोधात गुन्हा दाखल करण्याचे आदेश द्यावेत, या मागणीसाठी उच्च न्यायालयात याचिका दाखल करण्यात आली आहे.

police registered case against banner welcoming pm narendra modi in worli after bmc complaint
पंतप्रधान नरेंद्र मोदी यांच्या स्वागतासाठी वरळीत बॅनरबाजी; महापालिकेच्या तक्रारीनंतर गुन्हा दाखल
case, Ravindra Dhangekar,
ठिय्या आंदोलन रवींद्र धंगेकरांना भोवले, झाले काय ?
police booked gmchdean dr raj gajbhiye including 11 doctors for neglinace in woman surgery
मेडिकलचे अधिष्ठाता डॉ.राज गजभिये यांच्यासह ११ डॉक्टरांविरोधात गुन्हा; प्रकरण काय? जाणून घ्या…
Lord Hanuman made party in property case
जमिनीच्या वादात चक्क मारुतीरायालाच केलं पक्षकार; न्यायालयाने ठोठावला एक लाखाचा दंड, वाचा
Nitesh Rane, High Court, Nitesh Rane latest news,
वडिलांच्या प्रचारात व्यग्र असल्याने उत्तर दाखल करण्यास मुदतवाढ द्या, नितेश राणेंची उच्च न्यायालयात मागणी
Punjab Sacrilege Case
श्री गुरू ग्रंथ साहिबच्या प्रतीचा अवमान केल्याच्या संशयावरून १९ वर्षीय तरुणाची हत्या, पंजाबमधील घटना
Governor, MLA, Court,
उद्या कोणी याचिका करून पद्म पुरस्काराची मागणी करेल, उच्च न्यायालयाचे हस्तक्षेप याचिका करणाऱ्यांना खडेबोल
pm narendra modi
मोदींना सहा वर्षांसाठी अपात्र ठरवण्याची मागणी करणारी याचिका न्यायालयाने फेटाळली; न्यायमूर्ती म्हणाले…

या नेत्यांविरोधात गुन्हा नोंदवण्यास स्थानिक पोलिसांनी नकार दिल्याने हिंसाचारातील दोन पीडितांसह मुंबईतील पाच रहिवाशांनी उच्च न्यायालयात धाव घेतली आहे. मीरा रोड येथील अल्पसंख्याक वस्तीत २१ जानेवारी रोजी हिंसाचार उसळला होता आणि संपूर्ण शहरात त्याचे पडसाद उमटले. त्याच वेळी, भाजपचे आमदार नितेश राणे यांनी गीता जैन यांच्यासह मीरा रोडच्या काही भागांना भेट देऊन अल्पसंख्याक समाजाला धमकावले.

आणखी वाचा-संक्रमण शिबिरांना कंटाळलेल्या गिरणी कामगारांची सुटका कधी ? चाळी मोडकळीस, पुनर्विकास रखडलेला

तसेच राणे यांनी गोवंडी आणि मालवणी परिसरालाही भेट देऊन तिथे प्रक्षोभक भाषणे केली, असा आरोप याचिकाकर्त्यांनी केला आहे. तर तेलंगणाचे आमदार टी. राजा यांनी २५ फेब्रुवारी रोजी मीरा रोड येथील सभेमध्ये जातीय टिप्पणी केल्याचा दावाही याचिकाकर्त्यांनी केला आहे. स्थानिक नागरिकांनी पोलिसांशी संपर्क साधून आमदारांविरुद्ध गुन्हा नोंदवण्याची विनंती केली, परंतु कोणतीही कारवाई करण्यात आली नाही. त्यामुळे, याचिका केल्याचा दावादेखील याचिकाकर्त्यांनी केला आहे.

अशा प्रक्षोभक भाषणांप्रकरणी गुन्हा नोंदवण्याची कारवाई करण्यात पोलीस अपयशी ठरले आहेत. प्रक्षोभक भाषण करणाऱ्या व्यक्तीच्या धर्माचा विचार न करता देशातील धर्मनिरपेक्षता कायम राखण्यासाठी आमदारांविरोधात कारवाई केली पाहिजे. त्यामुळे, न्यायालयाने राणे, जैन आणि राजा या नेत्यांविरोधात गुन्हा दाखल करण्याचे आदेश द्यावेत, अशी मागणी याचिकेत करण्यात आली आहे.