मुंबईत ८३ टक्के रुग्णांमध्ये करोनाची लक्षणं नाहीत, राजेश टोपे यांची माहिती

पुढे बोलताना त्यांनी सांगितलं की, “मुंबईत डबलिंगचा रेट जो सात होता तो १० झाला आहे. देशाच्या सरासरीपेक्षा मुंबईत सुधारणा झाली आहे.  मृत्यू दर जो पाच होता तो साडे तीनपर्यंत आला आहे. मुंबईत मत्यू दरही कमी होत आहे. मुंबईमधील परिस्थितीत सुधारणा झाली आहे. कितीही मोठी वाढ झाली तरी त्यादृष्टीने आपण तयारी केली आहे”.

दरम्यान यावेळी त्यांनी मुंबईमधील लिलावती रुग्णालयात करोना रुग्णावर पहिली प्लाझ्मा थेरपी करण्यात आली असून त्यात यश मिळालं असल्याची माहिती दिली. राजेश टोपे यांनी सांगितलं की, “लिलावती रुग्णालयात दाखल करोनाबाधित रुग्णावर प्लाझ्मा थेरपी करण्यात आलेली असून त्यात यश मिळालं आहे. महापालिका आयुक्त प्रवीण परदेशी यांनी मला ही थेरपी यशस्वी झाली असल्याची माहिती दिली आहे. आता नायर रुग्णालयात दुसरी थेरपी केली जाणार आहे. नायर रुग्णालयातील डॉक्टरांनीही आपल्याला यश मिळेल असा विश्वास व्यक्त केला आहे. पण ही थेरपी करताना योग्य मार्गदर्शक सूचनांचं पालन करणं गरजेचं आहे. त्यांचं पालन केलं तरच थेरपी यशस्वी होत असल्याचं मला सांगण्यात आलं आहे. पुण्यातही हा प्रयोग करणं शक्य आहे”.

करोनामुळे मृत्यू झालेल्यांची संख्या (राज्यवार) 

(स्रोत – https://www.mygov.in/covid-19)