scorecardresearch

Premium

डाव्होसमध्ये ७६ तासांत मुख्यमंत्री फक्त ४ तास झोपले? दीपक केसरकरांच्या दाव्याची चर्चा; म्हणाले…

काही दिवसांपूर्वीच मुख्यमंत्री एकनाथ शिंदे स्वित्झर्लंडमधील डाव्होस येथे वर्ल्ड इकॉनॉमिक फोरमच्या परिषदेत सहभागी झाले होते.

deepak kesarkar on eknath shinde sleep
मुंबईत झालेल्या पत्रकार परिषदेत बोलताना दीपक केसरकर यांनी हा दावा केला. (लोकसत्ता ग्राफीक्स टीम)

काही दिवसांपूर्वीच मुख्यमंत्री एकनाथ शिंदे स्वित्झर्लंडमधील डाव्होस येथे वर्ल्ड इकॉनॉमिक फोरमच्या परिषदेत सहभागी झाले होते. या दौऱ्यावेळी मुख्यमंत्री ७६ तास डाव्होसमध्ये होते आणि ते केवळ चार तास झोपले, असा दावा शिंदे गटातचे प्रवक्ते दीपक केसरकर यांनी केला आहे. आज मुंबईत झालेल्या पत्रकार परिषदेत बोलताना त्यांनी हा दावा केला. दरम्यान, त्यांच्या या दाव्यावरून विविध चर्चांना उधाण आले आहे.

हेही वाचा- ४ दिवसांसाठी ४० कोटी: डाव्होस दौऱ्यात एकनाथ शिंदेंनी मित्रपरिवारावर पैसा उडवला? आदित्य ठाकरेंचा गंभीर आरोप

family members at Hyderabad airport
१८ वर्ष दुबईच्या तुरुंगात घालविल्यानंतर पाच भारतीय नागरिक परतले; कुटुंबियांच्या डोळ्यात आनंदाश्रू
Shiv Sena statewide convention begins in Kolhapur in the presence of the Chief Minister
शिवसेनेच्या महाअधिवेशनात मोदी-शहांच्या अभिनंदनाचे ठराव; कोल्हापूर येथे मुख्यमंत्र्यांच्या उपस्थितीत प्रारंभ
former minister suryakanta patil marathi news, dr madhavrao kinhalkar marathi news, nanded bjp latest news in marathi
नांदेडमधील सूर्यकांता पाटील-किन्हाळकर या माजी मंत्र्यांची भाजपमध्ये उपेक्षाच !
karnataka Chief Minister Siddaramaiah
कर्नाटक अन् केरळवरील अन्यायाच्या आरोपातून काँग्रेसचे ‘दिल्ली चलो’ आंदोलन, भाजपच्या खासदारांनाही सहभागी होण्याची विनंती

दीपक केसरकर काय म्हणाले?

मुख्यमंत्री एकनाथ शिंदे यांच्या डाव्होस दौऱ्यात तब्बल ३५ ते ४० कोटींचा खर्च झाल्याचा आरोप आदित्य ठाकरे यांनी केला होता. या आरोपांवर स्पष्टीकरण देण्यासाठी दीपक केसरकर यांनी आज पत्रकार परिषदेचे आयोजन केले आहे. यावेळी बोलताना केसरकर यांनी मुख्यमंत्री डाव्होस दौऱ्यादरम्यान केवळ चार तास झोपले, असा दावा केला. “डाव्होस दौऱ्यात हजारो कोटींची गुंतवणूक महाराष्ट्रात येणार होती, अशा वेळी मुख्यमंत्र्यांचं डाव्होसमध्ये अनुपस्थित राहणं योग्य नव्हतं. हा पंतप्रधान मोदींचा अपमान ठरला असता. मुख्यमंत्री एकनाथ शिंदे हे ७६ तास डाव्होसमध्ये होते आणि यावेळी ते केवळ चार तास झोपले. ७२ तास त्यांनी वेगवेगळ्या लोकांशी चर्चा केली. महाराष्ट्रात गुंतवणूक आणण्यासाठी प्रयत्न केले”, असं केसरकर म्हणाले.

हेही वाचा- Escort Service in Davos: डाव्होसमध्ये वेश्याव्यवसायाला प्रचंड मागणी; अतिश्रीमंतांनी केलं ‘जीवाचं डाव्होस’!

आदित्य ठाकरेंचे आरोप हास्यास्पद

दरम्यान, यावेळी बोलताना त्यांनी आदित्य ठाकरेंच्या आरोपालाही प्रत्युतर दिलं. डाव्होसला जाताना घटनाबाह्य मुख्यमंत्र्यांनी चार्टर्ड विमानाचा वापर केला. यावर दोन ते अडीच कोटी खर्च झाला असेल. हा सर्व खर्च राज्यावर आला, अशी टीका आदित्य ठाकरे यांनी केली होती. यासंदर्भात बोलताना दीपक केसरकर म्हणाले, “आदित्य ठाकरेंना वयामुळे अनुभव नाही, हे आम्ही समजू शकतो. म्हणून रोज काही तरी बोलायचं आणि स्वत:चं हसं करून घ्यायचं, हे योग्य नाही. जगभरातील लोक डाव्होसमध्ये चार्टर्ड विमानानेच येतात. चार्टर्ड विमानाने प्रवास केला म्हणजे फार मोठा गुन्हा केला, असं होत नाही. यापूर्वी अनेक मुख्यमंत्र्यांनी चार्टर्ड विमानाने प्रवास केला आहे. त्यामुळे आदित्य ठाकरेंचे आरोप हास्यास्पद आहेत.”

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Deepak kesarkar claim cm eknath shinde sleep only four hours in davos visit spb

First published on: 25-01-2023 at 11:37 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×