मुंबई : व्हीआयपीस् ग्रुप – ग्लोबल ॲफिलिएट बिझनेसचे मालक विनोद खुटे यांच्याशी संबंधित २४ कोटी ४१ लाख रुपयांच्या मालमत्तेवर सक्तवसुली संचालयानाय (ईडी), मुंबईने टाच आणली आहे. त्यात ५८ बँक खात्यांमधील २१ कोटी २७ लाख रुपये व तीन कोटी १४ लाख रुपयांच्या ठेवींचा समावेश आहे. यापूर्वी मार्च महिन्यात खुटे यांच्या दुबईतील ३७ कोटी ५० लाख रुपयांच्या मालमत्तेवर टाच आणण्याबाबत ईडीकडून आदेश जारी करण्यात आले होते.

सामान्य नागरिकांची गुंतवणुकीच्या नावाखाली फसवणूक केल्याप्रकरणी विनोद तुकाराम खुटे, संतोष खुटे, मंगेश खुटे, किरण पितांबर अनारसे, अजिंक्य बडाधे आणि इतर अज्ञात व्यक्तींविरुद्ध पुण्यातील भारती विद्यापीठ पोलीस ठाण्यात गुन्हा दाखल करण्यात आला होता. त्याच गुन्ह्यांच्या आधारे ईडी याप्रकरणी तपास करीत आहे.

Agra Income tas raids
पलंग, पिशव्या अन् चपलांच्या बॉक्समध्येही ऐवज! IT च्या धाडीत सापडलं कोट्यवधींचं घबाड, अधिकारी रात्रभर पैसेच मोजत बसले!
shares
विदेशी गुंतवणूकदार माघारी, मे महिन्यात २२,००० कोटी मूल्याच्या समभागांची विक्री
Go Digit 2615 crore IPO to Virat Kohli could yield a multiple return of 263 percent
‘गो डिजिट’चा २,६१५ कोटींचा ‘आयपीओ’ विराट कोहलीला २६३ टक्क्यांचा बहुप्रसवा परतावा शक्य
Municipal Commissioner Bhushan Gagrani ordered to speed up process of auctioning seized goods of defaulters
थकबाकीदारांच्या जप्त वस्तूंच्या लिलावाच्या प्रक्रियेस वेग द्यावा, महानगरपालिका आयुक्त भूषण गगराणी यांचे आदेश
reserve bank
सोने तारण कर्जाचे रोखीत वितरण २०,००० रुपयांच्या मर्यादेपर्यंतच ;वित्तीय कंपन्यांना काटेकोर पालनाचे रिझर्व्ह बँकेचे निर्देश
Embezzlement, Embezzlement of Rs 9 Crore, Embezzlement Provident Fund Exposed, 89 Companies Involved Fraud, Provident Fund Fraud, Provident Fund, Fraud in pune, 89 Companies Provident Fund Fraud,
पुणे : आत्मनिर्भर भारत योजनेअंतर्गत भविष्य निर्वाह निधीचा अपहार; बनावट कागदपत्रांद्वारे नऊ कोटी रुपयांची फसवणूक
mixed effects on companies share value after godrej group split
गोदरेज समूहाच्या विभाजनाचे कंपन्यांच्या समभाग मूल्यांवर संमिश्र परिणाम
Request for application from Reserve Bank to Small Finance Bank for conversion to regular banks
नियमित बँकांमध्ये रूपांतरणासाठी रिझर्व्ह बँकेकडून लघुवित्त बँकाकडे अर्जाची मागणी

हेही वाचा…दोन मुलांच्या मृत्यूचे प्रकरण: मुंबईत मानवी जिवाची किंमत काय? उच्च न्यायालयाचा महापालिकेला प्रश्न

चांगला परतावा देण्याच्या नावाखाली गुंतवणूक योजना व ट्रेडिंगमध्ये आमिष दाखवून आरोपींनी बनावट कंपन्यांच्या माध्यमांतून विविध बँक खात्यात गुंतवणूकदारांची १०० कोटी रुपयांहून अधिक रक्कम जमा केली. याप्रकरणी ईडीने दिलेल्या माहितीनुसार, दुबईत वास्तव्याला असलेला विनोद खुटे हा याप्रकरणातील मुख्य आरोपी असून त्याने दुबईस्थित कंपनी मेसर्स काना कॅपिटल लिमिटेडच्या माध्यमातून विविध बेकायदेशीर व्यापार, क्रिप्टो एक्सचेंज, वॉलेट सेवा, फॉरेक्स ट्रेडिंच्या नावाखाली फसवणूक केल्याचा आरोप आहे.

विनोद खुटेने मेसर्स व्हीआयपीस् व्हॉलेट प्रा.लि.सह व्हीआयपीस् ट्रेड फायनान्स प्रायव्हेट लिमिटेड, मेसर्स काना कॅपिटल्स लिमिटेड, मेसर्स ग्लोबल एफिलिएट बिझनेस, व्हीआयपीस् सिक्युरिटीज आणि व्हीआयपीस् प्रॉपर्टीज अशा अनेक कंपन्या स्थापन केल्या. त्यामार्फत गुंतवणूकदारांकडून रक्कम गोळा केली. ती रक्कम बनावट कंपनी व खात्यांच्या माध्यमतून व्यवहारात आणण्यात आली. त्यानंतर हवाला ऑपरेटर्सच्या माध्यमातून पैसे भारतातून दुबईत पाठवण्यात आले.

हेही वाचा…बोरिवलीतील उद्यानात गुजराती भाषेतील नामफलक, पोयसर जिमखाना संस्थेला महानगरपालिकेची नोटीस

हे व्यवहार तपास यंत्रणाच्या नजरेत येऊ नये यासाठी यूएसडीटी सारख्या कूट चलनाचा वापर करण्यात आला. आतापर्यंत विनोद खुटेने केलेल्या खर्चाचा तपशील ईडीने तपासला असता गुन्ह्यातील रक्कम १०० कोटी रुपयांपेक्षा अधिक असल्याचे निदर्शनास आले. या रकमेतून दुबई व भारतात मालमत्ता खरेदी करण्यात आल्या आहेत. यापूर्वी ईडीने विनोद खुटे याच्याशी संबंधित पुणे, अहमदाबाद, मुंबई येथील विविध ठिकाणी छापे टाकले होते. तसेच मार्च महिन्यात दुबईतील ३७ कोटी रुपयांच्या मालमत्तेवर टाच आणली होती. याप्रकरणी एकूण ६१ कोटी ५० लाख रुपयांच्या मालमत्तेवर ईडीने टाच आणली आहे.