ग्रँट रोड येथील बहुमजली इमारतीला भीषण आग, अडकलेल्या नागरिकांना टेरेसवर हलवलं

गेल्या काही दिवसांपासून मुंबईत आगीच्या घटना वाढल्या आहेत. आज सकाळी ९ वाजून ३५ मिनिटांनी ग्रँट रोड येथील ऑगस्ट क्रांती रोड येथील धवलगिरी या इमारतीला भीषण आग लागली. ही आग लेव्हल २ ची असल्याचं वृत्त आहे. आगीचे धुराचे लोट दूरवरूनही दिसत होते.

२१ आणि २२ व्या मजल्यावर काही नागरिक अडकले होते. त्यांना टेरेसवर सुरक्षितपणे हलवण्यात यश आलं आहे. तर, १५ व्या मजल्यावरही ७ ते ८ नागरिक अडकले होते. त्यांनाही पायऱ्यांमार्फत टेरेसवर हलवण्यात आलं आहे. दरम्यान, ११.१० मिनिटांनी ही आग अटोक्यात आली. या आगीत कोणत्याही जीवितहानीचे वृत्त नाही.