मरिन ड्राइव्ह येथील व्यायाम उपकरणांचे प्रकरण उच्च न्यायालयात

मरिन ड्राइव्हवर व्यायामाची उपकरणे बसविण्यासाठी सागरी हद्द नियंत्रण कायद्याचे (सीआरझेड) नियम धाब्यावर बसवण्यात आलेली आहेत, असा मुख्य आरोप नीतेश यांनी याचिकेत केला आहे. २०१३ मध्ये माजी खासदार मिलिंद देवरा यांनीसुद्धा व्यायामाची उपकरणे बसविण्याची परवानगी पालिकेकडे मागितली होती. परंतु तत्कालिन पालिका आयुक्तांनी त्याला नकार दिला होता. त्यामुळे सध्याच्या पालिका आयुक्तांनी नेमक्या कोणत्या नियमांनुसार मरिन ड्राइव्ह येथे व्यायामाची उपकरणे बसविण्यास परवानगी दिली, असा सवाल नीतेश यांनी याचिकेत उपस्थित केला आहे.
या याचिकेत पालिकेसह राज्य सरकार तसेच डी एम फिटनेस यांनाही प्रतिवादी करण्यात आले असून याचिका पुढील आठवडय़ात सुनावणीसाठी येण्याची शक्यता आहे.