मुंबई : भरधाव मोटारीच्या धडकेत तिघे जखमी, पोलिसांच्या अंगावरही गाडी घालण्याचा प्रयत्न; खार लिकिंग रोड येथील घटना

वांद्रे पूर्व येथे राहणाऱ्या धनश्री गणतांडेल (३६) या १६ जूनला लिंकिंग रोड येथे बहीण सरोज सिंहबरोबर कपडे खरेदीसाठी गेल्या होत्या. तेथे मोटरगाडी चालकाने तक्रारदार धनश्री यांच्या अंगावरून मोटरगाडी नेण्याचा प्रयत्न केला. त्यात त्यांच्या डाव्या हाताला दुखापत झाली. त्यापूर्वी मोटरगाडीने एका दुचाकीला धडक दिली होती.

हेही वाचा…विशाळगड येथे बकरी-ईद, उरूसनिमित्त कुर्बानीस परवानगी, आदेशाचा विपर्यास केल्यावरून उच्च न्यायालयाकडून स्थानिक प्रशासनाची कानउघाडणी

पोलिसांनी गाडी थांबवण्याचा प्रयत्न केला असता आरोपीने मोटरगाडी भरधाव चालवून नागरिकांना धडक दिली. त्यावेळी गाडीच्या काचाही फुटल्या. तर दुसऱ्या एका पोलीस हवालदाराने मोटर अडवण्याचा प्रयत्न केला असता आरोपीने त्यांच्या अंगावरही गाडी घालण्याचा प्रयत्न केला. त्यामुळे घाबरून ते बाजूला सरकले. शेवटी पाली हिल येथे पोलिसांनी मोटरगाडी अडविली. आरोपी देसाई नामांकित कंपनीत उच्च पदावर कार्यरत आहे.