लग्नास नकार दिला म्हणून तरूणीवर हल्ला, हत्येच्या प्रयत्नाचा गुन्हा दाखल

पीडित महिला शनिवारी अभ्यासवर्गाला जात असताना आरोपीने पीडित तरूणीला लग्नबाबत विचारले. आरोपीच्या मागणीला तिने नकार दिला असता आरोपीने हातातील लोखंडी सळीने तिच्यावर हल्ला केला. त्यात तरूणीच्या डोक्याला, डाव्या हातात व कमरेला गंभीर दुखापत झाली. तरूणीवर शताब्दी रुग्णालयाच्या अतिदक्षता विभागात उपचार सुरू आहेत.

हेही वाचा : पत्नीला ‘सेकंड हॅण्ड’ म्हटल्याने न्यायालयाने पतीला ठोठावला तीन कोटींचा दंड

आरोपी गेल्या अनेक दिवसांपासून तरूणीला लग्नासाठी विचारत होता. त्यावेळीही तरूणीने त्याला नकार दिला होता. आरोपी लोखंडी सळी बरोबर्वघेऊन आल्यामुळे हा हल्ला पूर्व नियोजीत होता. याप्रकरणी तरूणीच्या तक्रारीवरून कुरार पोलिसांनी हत्येचा प्रयत्न, विनयभंग अशा विविध कलमांतर्गत गुन्हा दाखल केला आहे.