चोरलेले, हरवलेले २२ लाखांचे मोबाइल घाटकोपर पोलिसांनी मालकांना मिळवून दिले

मुंबई : चोरीला गेलेल्या आणि हरवलेल्या तब्बल २२ लाख रुपये किंमतीच्या मोबाइलचा शोध घेण्यात घाटकोपर पोलिसांना यश आले असून घाटकोपर पोलिसांनी मंगळवारी तब्बल १६५ तक्रारदारांना पोलीस ठाण्यात बोलावून त्यांचे मोबाइल परत केले. मोबाइल परत मिळालेल्या नागरिकांनी पोलिसांचे आभार मानले. गेल्या ११ महिन्यात घाटकोपर पोलीस ठाण्याच्या हद्दीत बस, लोकल ट्रेनमधून प्रवास करताना, तसेच रस्तावरून जाणाऱ्या अनेक नागरिकांचे मोबाइल चोरीला गेले होते. तर काहींचे मोबाइल हरवले होते.