मालाडमध्ये मालमत्तेच्या वादातून गोळीबार, फरार आरोपीला दिल्लीतून अटक

कुरार येथील संजय नगर परिसरात रविवारी पहाटे ही घटना घडली होती. अबीतुल्लाह उर्फ तुला बेग (५८) आरोपी निहाद उर्फ गुड्डू शेख याच्यासोबर मद्यापान करीत होता. रविवारी पहाटे साडेचारच्या सुमारास गप्पामंध्ये त्यांच्यात मालमत्तेवरून वाद झाला. हा वाद विकोपाला गेला. काही वेळात बिहारी आणि अबुतुल्हा बेग यांच्यातील वाद विकोपाला गेला. काही वेळानंतर मद्याच्या नशेत आरोपी नियाज शेखने खिशातून देशी रिव्हॉल्व्हर काढले आणि तुला बेगवर तीन गोळ्या झाडल्या. गोळी लागल्याने बेग खाली कोसळला. एक गोळी तुलाच्या मानेत कानाजवळ लागली होती. गोळीबाराच्या या घटनेमुळे खळबळ उडाली होती. याप्रकरणी आरोपी विरोधात कुरार पोलीस ठाण्यात हत्येचा प्रयत्न केल्याप्रकरणी कलम १०९, तसेच भारतीय हत्यार कायद्याच्या कलम ३७ (१) (अ) आणि महाराष्ट्र पोलीस कायद्याअन्वये गुन्हा दाखल करण्यात आला होता.

नवी दिल्लीतून आरोपीला कट्ट्यासह अटक

या प्रकरणाचा समांतर तपास गुन्हे शाखा १२ च्या पथकाकडून सुरू होता. गुन्हे शाखेच्या पथकाने तांत्रिक तपास आणि गोपनीय माहितीच्या आधारे तपास करून आरोपी निहाज शेखला नवी दिल्ली येथून अटक केली. त्याच्याकडून एक गावठी कट्टी आणि दोन जीवंत काडतुसे जप्त करण्यात आली. आरोपीला पुढील तपासासाठी कुरार पोलिसांच्या ताब्यात देण्यात आले. मालमत्तेचा वाद हे या हल्ल्यामागील प्राथमिक कारण असले तरी हा वाद नेमका काय होता याबाबत कुरार पोलीस अधिक तपास करीत आहेत.

या पथकाने केली कारवाई

पोलीस उपायुक्त (प्रकटीकरण १) विशाल ठाकूर, सहाय्यक पोलीस आयुक्त (डी उत्तर) राजेंद्र शिरतोडे यांच्या मार्गदर्शनाखाली गुन्हे शाखा १२ चे वरिष्ठ पोलीस निरीक्षक सचिन गवस, पोलीस निरीक्षक बाळासाहेब राऊत, सहाय्यक पोलीस निरीक्षक विजय रास्कर, सहाय्यक पोलीस निरीक्षक युवराज चव्हाण आदींच्या पथकाने ही कारवाई केली.