कोकण रेल्वेवर ब्लॉक; तीन रेल्वेगाड्यावर परिणाम

यावेळी कोकण रेल्वेवरील तीन रेल्वेगाड्यांच्या वेळापत्रकात बदल होईल. त्यामुळे प्रवाशांचा जादा वेळ प्रवासातच जाणार आहे.

mega block on konkan railway due to maintenance

(संग्रहित छायाचित्र)

मुंबई : कोकण रेल्वेवरील वीर-अंजणी स्थानकादरम्यान पायाभूत कामासाठी आणि देखभाल-दुरुस्तीसाठी मंगळवारी मेगाब्लॉक घेतला जाईल. दुपारी १.१० ते दुपारी ३.४० असा २.३० तासांचा मेगाब्लॉक असेल. यावेळी कोकण रेल्वेवरील तीन रेल्वेगाड्यांच्या वेळापत्रकात बदल होईल. त्यामुळे प्रवाशांचा जादा वेळ प्रवासातच जाणार आहे.

हेही वाचा >>> मुंबई : रेल्वे स्थानकांवर विद्युत रोषणाई

This quiz is AI-generated and for edutainment purposes only.

मंगळवारी गाडी क्रमांक १६३४५ एलटीटीवरून सुटणारी तिरुवनंतपुरम सेंट्रल नेत्रावती एक्स्प्रेस कोलाड-वीर विभागादरम्यान ४० मिनिटे थांबवण्यात येईल. मंगळवारी गाडी क्रमांक १०१०६ सावंतवाडी रोडवरून सुटणारी दिवा एक्स्प्रेस रत्नागिरी-चिपळूण विभागादरम्यान एक तास थांबवण्यात येईल. सोमवारी सुटणारी गाडी क्रमांक ०२१९७ कोईम्बतूर जं. जबलपूर एक्सप्रेस मंगळवारी रत्नागिरी-चिपळूण विभागादरम्यान ४५ मिनिटांसाठी थांबवण्यात येईल, अशी माहिती कोकण रेल्वेकडून देण्यात आली.

First published on: 22-01-2024 at 21:31 IST

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mega block on konkan railway due to maintenance work mumbai print news zws