एसटी कामगारांच्या हक्कासाठी मनसेचा लढा!

राज्यातील सुमारे ७५ लाख प्रवाशांची वाहतूक करणाऱ्या एसटीतील ६५ हजार चालक व वाहकांसह सुमारे एक लाख कर्मचाऱ्यांना १५ हजार रुपये सानुग्रह अनुदान मिळावे, थकित महागाई भत्ता व वेतन कराराची थकबाकी मिळावी, अशी मागणी महाराष्ट्र नवनिर्माण राज्य परिवहन कामगार सेनेने एसटी महामंडळाचे व्यवस्थापकीय संचालक विकास खारगे यांच्याकडे केली आहे.
एसटी वाहक -चालकांच्या अनेक समस्या असल्याचे कामगार सेनेचे अध्यक्ष अविनाश अभ्यंकर यांनी व्यवस्थापकीय संचालक खारगे यांच्या निदर्शनास आणून दिले. महामंडळाला होणाऱ्या तोटय़ाला भ्रष्टाचार व पारदर्शक कारभाराचा अभाव ही प्रमुख कारणे असताना कर्मचाऱ्यांचा हक्काचा भत्ता व वेतनातील फरक देण्याचे टाळण्यात येत आहे, असे अभ्यंकर यांनी सांगितले.