मुंबईच्या चेंबूर परिसरतील नवीन टिळक नगर भागात एका रहिवासी इमारतीला भीषण आग लागलेली आहे. घटनेची माहिती मिळताच अग्निशमन दलाच्या आठ गाड्या घटनास्थळी पोहोचल्या असून आग विझविण्याचे काम युद्धपातळीवर केले जात आहे. या इमारतीमध्ये काही नागरिक अडकल्याचे सांगण्यात येत आहे. या आगीमध्ये झालेल्या जीवितहानीबद्दलची निश्चित माहिती अद्याप समजू शकलेली नाही. या इमारतीत राहण्याऱ्यांनी थेट खिडकीला लटकून स्वत:चा जीव वाचवण्याचा प्रयत्न केला. त्यांची ही धडपड कॅमेऱ्यात कैद झाली आहे.

मिळालेल्या माहितीनुसार मुंबईतीतील चेंबूर परिसरामध्ये एका इमारतीच्या सर्वात वरच्या मजल्यातील एका खोलीला भीषण आग लागली आहे. या आगीची माहिती मिळताच अग्निशमन दलाने घटनास्थळी धाव घेतली. तसेच अग्निशमन दलाच्या ८ बंबांच्या माध्यमातून ही आग विझविण्याचा प्रयत्न करण्यात येत आहे. आगीच्या या घनटेनंतर इमारत रिकामी केली जात आहे. अद्याप काही रहवासी या इमारतीत अडकल्याचे सांगण्यात येत आहे. आगीचे नेमके कारण अद्याप समजू शकलेले नाही. मात्र शॉर्ट सर्किटमुळे ही आग लागलेली असावी, असे सांगितले जात आहे.