मुख्यमंत्र्यांच्या खुर्चीवर बसून पुत्राचा कारभार ; छायाचित्र प्रसिद्ध करून राष्ट्रवादीची टीका

शासकीय कार्यालय वा खासगी निवासस्थान असो, मुख्यमंत्र्यांच्या खुर्चीत बसून लोकांना भेटणे चुकीचेच असल्याचे वरपे यांनी म्हटले आहे.

ते घरातील कार्यालय- श्रीकांत शिंदे

ठाणे : प्रसारित करण्यात आलेले ते छायाचित्र मंत्रालय किंवा वर्षां निवासस्थानामधील नसून ते आमच्या घरातील कार्यालयामधील आहे. याच कार्यालयातून मुख्यमंत्री आणि मी नागरिकांच्या समस्या सोडवित असतो. मुख्यमंत्र्यांची ऑनलाइन बैठक असल्यामुळे अधिकाऱ्यांनी याठिकाणी तात्पुरती व्यवस्था म्हणून फलक ठेवण्यात आला होता. पण या गोष्टी फुगवून ते शासकीय निवासस्थान, मुख्यमंत्र्यांची खुर्ची असल्याचं सांगितले जात आहे, असे स्पष्टीकरण खासदार डॉ. श्रीकांत शिंदे यांनी शुक्रवारी दिले. तसेच मी दोन वेळा खासदार म्हणून निवडुण आलो आहे आणि मला माहिती आहे की कुठे बसायचे आणि कुठे बसायचे नाही, असा टोलाही त्यांनी विरोधकांना यावेळी लगावला. मुख्यमंत्री १२ ते १८ तास काम करतात. त्यामुळे त्यांचा कारभार कोणाला पाहण्याची वेळ येत नाही, असा टोलाही त्यांनी लगावला.