मुंबई : सीमाशुल्क विभागाने गेल्या तीन दिवसांत मुंबई विमानतळावर केलेल्या कारवाईत आठ किलो सोने जप्त केले. त्याची किंमत चार कोटी रुपये आहे. याशिवाय पाच आयफोनही सीमाशुल्क विभागाने जप्त केले. हेही वाचा : मराठा समाजाला आर्थिकदृष्ट्या मागास म्हणता येणार नाही- उच्च न्यायालय याप्रकरणी सीमाशुल्क विभागाने बुधवारी केलेल्या कारवाईत केनियातून आलेल्या एका महिलेला २१६९ ग्रॅम सोन्यासह अटक केली. सादिया मोहम्मद अली असे या महिलेचे नाव आहे. याशिवाय आणखी आठ प्रवाशांकडून सोने व पाच आयफोन जप्त करण्यात आले. त्यात तीन परदेशी नागरिकांचा समावेश आहे.
