महाराष्ट्रात सेना-भाजपाचं सरकार असताना सत्तेमध्ये महिला व बालकल्याण मंत्रीपद साभाळलेल्या भाजपा नेत्या पंकजा मुंडे हे बीडमधलं मोठं नाव. एरवी आक्रमकपणे कोणत्याही मुद्द्यावर भूमिका मांडणाऱ्या पंकजा मुंडे भाजपाच्या केंद्रीय टीममध्ये गेल्यापासून महाराष्ट्राच्या राजकारणातून काहीशा दूर गेल्याचं चित्र निर्माण झालं आहे. पण राजकारणाच्याही पलीकडच्या पंकजा मुंडे नेमक्या कशा आहेत? धनंजय मुंडेंविषयी नेमक्या पंकजा मुंडेंच्या भावना कशा आहेत? त्यांचा राजकीय प्रवास नेमका कसा सुरू झाला? कुटुंबातील पंकजा मुंडे कशा असतात? असा अनेक प्रश्नांची उत्तरं जाणून घेण्याचा प्रयत्न लोकसत्ता डॉट कॉमनं केला. या एक्सक्लुझिव्ह मुलाखतीमध्ये पंकजा मुंडे यांनी सर्वच प्रश्नांना अगदी बिनधास्त आणि मनमोकळेपणाने उत्तरं दिली! यावेळी अनेक राजकीय आणि कौटुंबिक प्रश्नांवर पंकजा मुंडे यांनी भूमिका मांडली.
