scorecardresearch

शिवाजी पार्कवरील वाद : महेश सावंत यांच्यासह दोघांवर विनयभंगाचा गुन्हा

स्मृतीस्थळावर नेमके काय घडले याबाबत  सीसीटीव्हीद्वारे पोलीस तपास करत आहेत. याप्रकरणी पोलिसांनीच तक्रार करून ५० ते ६० व्यक्तींविरुद्ध गुन्हा नोंदवला होता.

shiv sena workers clash molestation case against two including uddhav thackeray faction mahesh sawant
शिवसेनेचे दोन गट शिवसेनाप्रमुख बाळासाहेब ठाकरे यांच्या स्मृतीदिनाच्या पूर्वसंध्येला शिवाजी पार्क येथे आमने-सामने आले होते. संग्रहित छायाचित्र

मुंबई :  बाळासाहेब ठाकरे यांच्या स्मृतीस्थळावर  शिंदे गट आणि ठाकरे गटाच्या कार्यकर्त्यांमध्ये झालेल्या हाणामारी प्रकरणी शिवाजी पार्क पोलिसांनी मंगळवारी विनयभंगाचा गुन्हा दाखल केला आहे. ठाकरे गटाचे विभागप्रमुख महेश सावंत यांच्यासह आणखी दोघांविरोधात याप्रकरणी गुन्हा दाखल करण्यात आल्याचे सूत्रांनी सांगितले. 

हेही वाचा >>> मुंबई : कुस्ती प्रशिक्षकाला अटकेपासून अंतरिम संरक्षण, दहा अल्पवयीन मुलांवर लैंगिक अत्याचाराचा आरोप

cases filed against animal owners
चंद्रपूर: मोकाट जनावरे रस्त्यावर, जनावरांच्या मालकांविरुद्ध गुन्हे दाखल
Rahul Narvekar and Ulhas Bapat
“क्षुल्लक निर्णय घ्यायला…”, १६ आमदार अपात्रतेप्रकरणी घटनातज्ज्ञ उल्हास बापटांची थेट राहुल नार्वेकरांवर टीका
legal dilemma over rights of deputy speaker neelam gorhe after disqualification petition against her
उपसभापतींच्या सुनावणीच्या अधिकारांवरून कायदेशीर पेच
rahul narvekar supreme court uddhav thackeray eknath shinde
बंडखोरांच्या अपात्रतेबाबतच्या घडामोडींना वेग, दिल्लीतील भेटीगाठीवर राहुल नार्वेकर म्हणाले…

स्मृतीस्थळावर नेमके काय घडले याबाबत  सीसीटीव्हीद्वारे पोलीस तपास करत आहेत. याप्रकरणी पोलिसांनीच तक्रार करून ५० ते ६० व्यक्तींविरुद्ध गुन्हा नोंदवला होता. घटनास्थळी बंदोबस्तासाठी तैनात असलेल्या पोलिसांनीही मोबाईलद्वारे घटनेचे चित्रीकरण केले आहे. त्याच, चित्रीकरणाच्या आधारे गुन्हा नोंदवत अधिक तपास सुरु आहे.  महेश सावंत यांना नोटीस बजावून सोमवारी चौकशीला हजर राहण्यास सांगण्यात आले होते. आता शिवाजी पार्क पोलिसांनी मंगळवारी नवीन गुन्हा दाखल केला आहे. अधिकाऱ्याने दिलेल्या माहितीनुसार महेश सावंत यांच्यासह आणखी दोघांविरोधात विनयभंगाचा गुन्हा दाखल केला आहे. मुख्यमंत्री एकनाथ शिंदे हे गेल्या आठवडय़ात दादर परिसरात होते. त्यानंतर सायंकाळी सात वाजण्याच्या सुमारास मुख्यमंत्री शिंदे, आमदार सदा सरवणकर, शिंदे गटाचे प्रवक्ते नरेश म्हस्के, शीतल म्हात्रे हे बाळासाहेब ठाकरे यांच्या स्मृतीस्थळावर अभिवादन करण्यासाठी दाखल झाले होते. त्यानंतर काही वेळाने शिवसेना ठाकरे गटाच्या शिवसैनिकांनी घोषणाबाजी केल्याचा आरोप शिंदे गटाने केला आहे. ठाकरे गटाच्या कार्यकर्त्यांनी महिला कार्यकर्त्यांना धक्काबुक्की केली असल्याचा आरोप शिंदे गटाच्या प्रवक्त्या शीतल म्हात्रे यांनी केला.  शिंदे गटाने केलेले आरोप ठाकरे गटाने फेटाळून लावले आहेत.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Shiv sena workers clash molestation case against two including uddhav thackeray faction mahesh sawant zws

First published on: 22-11-2023 at 01:30 IST

संबंधित बातम्या

मराठी कथा ×