पाच जणांना जखमी करणारा बिबट्या तीन तासांनी जेरबंद

सकाळी या घटनेची माहिती मिळताच भाजप खासदार किरीट सोमय्या तिथे पोहचले. तिथे त्यांनी पोलीस, जखमी माणसे यांच्यासोबत सेल्फी काढण्यातच धन्यता मानली. त्यांच्या या सेल्फी प्रेमाला काय म्हणावे? हा प्रश्न रहिवाशांनाही निश्चित पडला असेलच. मुलुंड पूर्वेला असलेल्या नानेपाडा भागात बिबट्या शिरण्याची घटना घडली. संजय गांधी राष्ट्रीय उद्यानाचे अधिकारी आणि वन विभागाचे अधिकारी या बिबट्याला शोधण्याचा प्रयत्न करत होते. ज्यांच्या प्रयत्नांना यश आले असून तीन तासांनी बिबट्या जेरबंद झाला आहे.

2 more injured admitted at hospital, got attacked by leopard at nanipada Mulund east… Leopard abhi 1 purane ghar me Ghus gaya hai pic.twitter.com/B8fjd3bJHg

— Kirit Somaiya (@KiritSomaiya) January 13, 2018

Suresh Bashidkar Injured , attacked by Tiger at Mulund east Nanipada pic.twitter.com/5Yzpp5Raa5

— Kirit Somaiya (@KiritSomaiya) January 13, 2018

मुलुंड आणि भांडुप पश्चिमेचा काही भाग हा संजय गांधी राष्ट्रीय उद्यानाच्या भिंतीला लागून आहे. त्या भिंतीवरून अनेकदा वन्यप्राणी लोकवस्तीत शिरतात. आज मुलुंड पूर्व भागात बिबट्याने प्रवेश केला आणि पाचजणांना जखमी केले. बिबट्याच्या हल्ल्यात जखमी झालेल्या पाच जणांवर शीव रूग्णालयात उपचार करुन त्यांना घरी सोडण्यात आले. बिबट्या लोकवस्तीत शिरल्याची माहिती मिळताच लोकांनी गर्दी केली होती. तसेच बिबट्याला जेरबंद केल्यावर लोकां उपचारनी सुटकेचा निश्वास सोडला आहे.