मुख्यमंत्री व उपमुख्यमंत्र्यांच्या नेतृत्वाखाली ‘वाघ’ स्थलांतरित करणार ; सुधीर मुनगंटीवार यांचा शिवसेनेला टोला

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या नेतृत्वाखाली व मार्गदर्शनानुसार ‘तिथेही व इथेही’ वाघांचे संरक्षण व संवर्धन आणि स्थानांतरण करण्यात येईल, असा राजकीय टोला वनमंत्री सुधीर मुनगंटीवार यांनी शिवसेनेला मंगळवारी विधान परिषदेत लगावला व सभागृह हास्यकल्लोळात बुडाले. मुख्यमंत्री एकनाथ शिंदे यांनी शिवसेनेत बंड केले आणि राज्यात सत्तापालट झाला. वनविभागाच्या पुरवणी मागण्यांवरील चर्चेला उत्तर देण्याच्या निमित्ताने मुनगंटीवार यांनी संधी साधत शिवसेनेला टोला लगावला.