'अंधेरी पूर्व' विधानसभा मतदार संघाच्या पोटनिवडणूकीचा प्रचार आज सायंकाळी ६ वाजल्यापासून थंडावणार आहे. निवडणूक आचारसंहितेनुसार त्यानंतर जाहीर प्रचार करण्यासह विविध स्तरीय निर्बंध घालण्यात आले आहेत. हेही वाचा >>>धारावी पुनर्विकासासाठी फक्त एकच निविदा ? '१६६ अंधेरी पूर्व' विधानसभा मतदारसंघाच्या पोटनिवडणुकीसाठी येत्या ३ नोव्हेंबर रोजी सकाळी ७ ते सायंकाळी ६ पर्यंत मतदान होणार आहे. या निवडणुकीसाठी ७ उमेदवार रिंगणात आहेत. भारत निवडणूक आयोगाच्या मार्गदर्शक सूचनांनुसार व आदर्श आचारसंहितेचा भाग म्हणून मतदान संपण्यापूर्वी ४८ तास जाहीर प्रचारावर निर्बंध लागू केले जातात. त्यामुळे आज सायंकाळी ६ वाजल्यापासून जाहीर प्रचारावर निर्बंध लागू करण्याचे आदेश अंधेरी पूर्व मतदार संघाचे निवडणूक निर्णय अधिकारी प्रशांत पाटील यांनी दिले आहेत. या ४८ तासांच्या कालावधी दरम्यान उमेदवारांना त्यांच्या प्रचार व प्रसार साहित्यासाठी, तसेच जाहिरातीसाठी पूर्वपरवानगी घेणे आवश्यक आहे. हेही वाचा >>>एसआरए घोटाळा: किशोरी पेडणेकर चौकशीसाठी दादर पोलीस ठाण्यात हजर निर्बंध कोणते ?निर्बंध कालावधी दरम्यान मद्यविक्री दुकाने व तत्सम बाबीं येथील व्यवहार, खरेदी-विक्री, देवाणघेवाण इत्यादींवर पूर्णतः बंदी असेल. धार्मिक स्थळांचा राजकीय वापर करण्यावर निर्बंध असतील. • एकगठ्ठा पाठवण्यात येणाऱ्या लघु संदेशांवर (एस.एम.एस.), ध्वनीक्षेपकांचा वापर, • कोणत्याही प्रकारची सभा, जाहीर सभा घेण्यास अगर मिरवणूक काढण्यावर निर्बंध • मतदान केंद्रापासून २०० मीटरच्या परिसरात उमेदवारांचे तात्पुरते कार्यालय, संपर्क ठिकाण उभारण्यावर निर्बंध. • ओपिनियन पोल, सर्वेक्षण इत्यादी बाबी करण्यावर निर्बंध