रस्त्यावर उभ्या वाहनांवर कारवाई करण्यासाठी आलेल्या वाहतुक पोलिसाला मारहाण झाल्याचा प्रकार जुहू-वर्सोव लिंक रोड येथे घडला. याप्रकरणी वर्सोवा पोलीस ठाण्यात तिघांविरोधात गुन्हा दाखल करण्यात आला आहे. तक्रारदार अजय कोर्लेकर(५६) हे डीएन नगर वाहतुक विभागात कार्यरत आहेत.

हेही वाचा >>> मुंबई: पालिका अधिकाऱ्याला शिवसेनेच्या शाखा प्रमुखाकडून मारहाण

retired employees of KEM
केईएममधील सेवानिवृत्त कर्मचाऱ्यांचे ठिय्या आंदोलन
Slum cleaning contract
झोपडपट्टी स्वच्छता कंत्राट : चौथ्यांदा मुदतवाढीची नामुष्की, १५ एप्रिलला न्यायालयात सुनावणी
Smuggling liquor, Delhi to Mumbai, State Excise Department, Seizes 205 Bottles, Foreign Liquor, Arrests one man, crime, marathi news,
दिल्लीवरून मुंबईत मद्याची तस्करी
Smuggling liquor, Delhi to Mumbai, State Excise Department, Seizes 205 Bottles, Foreign Liquor, Arrests one man, crime, marathi news,
दिल्लीवरून मुंबईत मद्याची तस्करी

मुंबई पोलिसांच्या नियत्रंण कक्षाकडे जुहू-वर्सोवा रस्त्यावर वाहने उभी करण्यात आल्याबाबत तक्रार प्राप्त झाली होती. त्यावेळी कोर्लेकर व त्यांचे सहकारी तेथे पोहोचले. त्यांनी तेथील उभ्या गाड्यांचे छायाचित्र काढण्यास सुरूवात केली असता तीन व्यक्ती तेथे आल्या व त्यांनी कोर्लेकर यांच्याशी वाद घालण्यास सुरूवात केली. त्यातील एकाने कोर्लेकर यांच्या कानाखाली मारले. त्याला पकडण्यासाठी गेले असता त्याच्यासह असलेल्या दोन व्यक्तींनी कोर्लेकर यांचे हात पकडले व आरोपी पळून गेला. त्यानंतर आरोपीचे साथीदारही पळून गेले. या घटनेनंतर कोर्लेकर यांनी वर्सोवा पोलिसांकडे तक्रार केली. त्यानुसार वर्सोवा पोलिसांनी शनिवारी तिघांविरोधात सरकारी कामात अडथळा निर्माण केल्याप्रकरणी गुन्हा दाखल केला आहे.