दारूबंदी असलेल्या जिल्ह्यात काँग्रेस पदाधिकाऱ्यानेच उघडला दारूचा गुत्ता

सिंदी रेल्वे येथील गजानन महादेव खंडाळे हे काँग्रेस नेते आहेत. त्यांच्या घरी दारू विकली जात असल्याची माहिती मिळाल्यावर पोलीसांनी धाड टाकली. त्यात देशी विदेशी दारूचा मोठा साठा आढळून आला. पोलीसांनी त्यास अटक करीत माल जप्त केला.

हेही वाचा… ऑगस्टमध्येही पावसाने केला भ्रमनिरास, सात सप्टेंबरनंतर जोर धरणार?

या घटनेची चांगलीच चर्चा होत आहे. जिल्हाध्यक्ष मनोज चांदूरकर हे म्हणाले की गुन्हे दाखल झाले असेल तर पक्ष कारवाई करेल. पोलीस निरीक्षक वंदना सोनुने तसेच राजू सोनपित्रे, आनंद भस्मे, प्रशांत श्रीवास्तव, संदेश सोयाम,अमोल पिंपलकर, प्रदीप मस्के,उमेश खमणकर यांच्या चमूने ही कारवाई केली.