धक्कादायक! अंगझडती घेतली असता आढळली…

स्थानिक गुन्हे शाखेचे पथक शहरात गुन्हेगाराचा शोध घेण्यासाठी पेट्रोलिंग करीत असताना दोघे जण अग्निशस्त्र बाळगून असल्याची माहिती मिळाली. त्यावरून पथकाने घटनेचे गांभीर्य ओळखून लगेच घटनास्थळी धाव घेतली. आंबेडकर चौक ते डोर्ली रोड दरम्यान असलेल्या नगर पालिकेच्या सार्वजनिक शौचालयाजवळ संशयित आढळले. त्यांची विचारपूस केली असता, ते गडबडले. अंगझडती घेतली असता सिद्घार्थकडे देशी बनावटीची मॅग्जीनला काळ्या रंगाचे फायबर कवर असलेली ५० हजार रुपये किमतीची पिस्टल तर लखनच्या खिशात एक हजार रुपये किमतीचे जिवंत काडतूस आढळून आले.

हेही वाचा >>> बालिकेवर अत्याचार करणारा सराईत गुन्हेगार; पोलिसांनी मुसक्या आवळल्या, उमरखेडमध्ये रास्ता रोको

दोघांकडून ५१ हजार रुपयाचा मुद्देमाल जप्त करण्यात आला. याप्रकरणी दोघांविरुद्घ यवतमाळ शहर पोलीस ठाण्यात गुन्हा नोंदविण्यात आला. ही कारवाई पोलीस अधीक्षक डॉ. पवन बन्सोड, अपर पोलीस अधीक्षक पीयूष जगताप, पोलीस निरीक्षक आधारसिंग सोनोने यांच्या मार्गदर्शनात संतोष मनवर, विनोद राठोड, प्रशांत हेडाऊ, यवतमाळ शहरचे सपोनि संजय आत्राम, अन्सार बेग, प्रदीप नाईकवाडे, रावसाहेब शेंडे, गौरव ठाकरे आदींनी केली.