अमरावती : विधानसभा निवडणुकीदरम्यान जिल्ह्यात महायुतीतील घटक पक्षांमधील बेबनाव उघडपणे समोर आला. पण, आता सत्ता स्थापनेनंतर देखील ही धुसफूस सुरूच आहे. दर्यापूर विधानसभा मतदारसंघातील शिवसेना शिंदे गटाचे उमेदवार अभिजीत अडसूळ यांना पराभव पत्करावा लागला. यात महायुतीतील घटक असलेल्या युवा स्वाभिमान पक्षाचे आमदार रवी राणा यांनी अडसूळ यांच्या विरोधात उमेदवार दिल्याने अडसूळ यांचा पराभव झाल्याची खंत शिवसेना शिंदे गटाचे कार्यकर्ते अजूनही व्यक्त करतात. आता स्थानिक स्वराज्य संस्थांच्या निवडणुकांसाठी विविध पक्षांनी मोर्चेबांधणी सुरू केली असताना पुन्हा एकदा महायुतीतील संघर्ष पुन्हा एकदा उफाळून येण्याची शक्यता आहे.

महापालिका निवडणुकीच्या अनुषंगाने शिवसेना शिंदे गटाच्या मेळाव्याचे आयोजन करण्यात आले. यावेळी प्रसार माध्यमांशी बोलताना अभिजीत अडसूळ यांनी राणा दाम्पत्याचे नाव न घेता त्यांच्यावर टीका केली. अभिजीत अडसूळ म्हणाले, महायुतीत तोंड दाबून बुक्क्यांचा मार सुरू आहे. आमच्या पक्षश्रेष्ठींनी कुणाच्याही विरोधात बोलू नका, असे आम्हाला सांगितले होते. पण, आमच्या विरोधात मित्रपक्षानेच उमेदवार दिला. उमेदवाराला पक्षातून काढल्या गेले, पण त्यांचा प्रचार करणाऱ्या स्टार प्रचारक, आमदार किंवा पदाधिकाऱ्यांवर कुठल्याही प्रकारची कारवाई झाली नाही. लोकांमध्ये त्यावेळी महायुतीचा नक्की उमेदवार कोण, याविषयी चुकीचा संदेश गेला आणि त्याचा फटका आम्हाला बसला. आम्ही विरोधात बोललो असतो, तर संपूर्ण महाराष्ट्रात त्याचा परिणाम झाला असता. महायुतीचे वातावरण बिघडले असते. आम्ही तोड दाबून बुक्क्यांचा मार सहन केला. त्यामुळे शिवसेनेच्या कार्यकर्त्यांमध्ये प्रचंड नाराजी आहे.

Ancient tunnel discovered while building a house
ऐतिहासिक ठेवा! घराचे बांधकाम करताना आढळले प्राचीन भुयार…
Best Vegetables for Vegetarians and Non-vegetarians
Vegetables for Nonvegetarians ‘ही’ भाजी मांसाहार करणाऱ्यांकरता आवश्यक…;…
chandrapur district 13 year old boy working at brick kiln raped three year old girl
भयंकर कृत्य : चंद्रपूर जिल्ह्यात अल्पवयीन मुलाचा तीन वर्षीय चिमुकलीवर बलात्कार
pune Dasnavami celebrations loksatta news
आनंदाश्रमातील दासनवमी उत्सवाची शंभरीकडे वाटचाल
Will return both maces Chandrahar Patils stance in protest against umpire
दोन्ही गदा परत करणार! पंचाच्या निषेधार्थ चंद्रहार पाटलांची भूमिका
readers feedback on loksatta editorial
लोकमानस :ही तर भारतासाठी नामुष्कीच!
177 crores stuck with developers of Pune customers
घरही मिळेना अन् पैसेही मिळेनात! पुण्यातील ग्राहकांचे विकासकांकडे १७७ कोटी अडकले
SC to hear plea seeking safety measures for devotees at Mahakumbh on Feb 3
कुंभमेळ्यासंबंधी याचिकांवर आज सुनावणी

हेही वाचा – वाघाचा अपघातात मृत्यू, आईपासून दुरावला अन्…

हेही वाचा – विकास प्रकल्पांना शेतजमिनी देणारी गावे ओसाड

महापालिकेच्या निवडणुकीच्या तयारीविषयी बोलताना अभिजीत अडसूळ म्हणाले, शिवसेना शिंदे गटाने स्वबळावर स्थानिक स्वराज्य संस्थेच्या निवडणुका लढवाव्यात अशी आमची विनंती राहील. याविषयी उपमुख्यमंत्री एकनाथ शिंदे हे अंतिम निर्णय घेतील. पण पूर्वानुभव लक्षात घेता, आम्ही शांत राहण्याची भूमिका घेतली, तर नुकसान आमचेच होते, हे कार्यकर्त्यांच्या लक्षात आले आहे. स्थानिक स्वराज्य संस्थांच्या निवडणुकांमध्ये आमच्या विरोधात मित्रपक्षांकडून उमेदवार दिले जाणार आणि आम्ही त्यांच्या विरोधात बोलूही शकणार नाही. आम्ही मित्रपक्षांना साथ दिली नाही, तर त्याविषयी संपूर्ण महाराष्ट्रात चुकीचा संदेश जातो. महायुतीला त्रास होऊ नये, म्हणून आम्ही संयमाची भूमिका घ्यायची, मात्र मित्रपक्षांच्या चुकीच्या वागण्यामुळे आम्हाला फटका बसतो. हे कुठपर्यंत सहन करायचे, याचा विचार करावा लागेल.

Story img Loader