यवतमाळमध्ये क्रूझर व दुचाकीच्या अपघातात एक ठार, एक गंभीर जखमी

ढाणकी बिटरगाव येथून लग्नाचे वऱ्हाडी घेऊन दिग्रसकडे येत असणारी क्रूझरची (क्र.एम एच २९ बी सी ६६५४) व दिग्रस मोतीनगरकडे जाणाऱ्या दुचाकीची (क्र.एम एच २९ यू ७६२७) समोरासमोर जबर धडक झाली. अपघातात दुचाकीवरील दोन्ही व्यक्ती गंभीर जखमी झाले. उपस्थित नागरिकांनी जखमींना आरोग्यधाम हॉस्पिटलमध्ये दाखल केले. या ठिकाणी याकूब खान हारून खान याला डॉक्टरांनी मृत घोषित केले.

सलीम खान बाबा खान (३४, रा. मोतीनगर दिग्रस) याला दिग्रस ग्रामीण रुग्णालयात दाखल केले. त्याची प्रकृती चिंताजनक असल्याने यवतमाळ शासकीय रुग्णालयात हलविण्यात आले. अपघातातील क्रुझर वाहन पोलीस ठाण्यात नेऊन स्वतःला पोलिसांच्या स्वाधीन केले.