लोकसत्ता टीम

नागपूर : कळमेश्वर येथील डॉ. पांडे दाम्पत्याला त्यांच्यासह त्यांच्या रुग्णालयाची बदनामी करण्याची धमकी देत खंडणीची मागणी केली गेली. या प्रकरणात शिवसेना, शिंदे गटाच्या पदाधिकाऱ्यासह तिघांचा समावेश असल्याचा आरोप नॅशनल इंटिग्रेटेड मेडिकल असोसिएशनकडून (निमा) करण्यात आला.

ajit pawar chhagan bhujbal unhappy
राज्यसभेच्या उमेदवारी वरून छगन भुजबळ नाराज असल्याची चर्चा; अजित पवार म्हणाले, “आमच्या जवळच्या काही मित्रांनी…”
kannada actor darshan arrested in murder case
कन्नड अभिनेता दर्शनला हत्येप्रकरणी अटक; बंगळूरु पोलिसांच्या कारवाईनंतर सहा दिवसांची पोलीस कोठडी
INS Vikrant, police report,
आयएनएस ‘विक्रांत’ प्रकरण : प्रकरण बंद करण्याबाबत दाखल पोलिसांच्या अहवालावर लवकर निर्णय घ्या – उच्च न्यायालय
sassoon peon accepted bribe in the premises of juvenile justice board
ससूनमधील शिपायाने बाल न्याय मंडळाच्या आवारात लाच स्वीकारली, सीसीटीव्ही चित्रीकरण पोलिसांच्या ताब्यात
sanjay raut on cisf constable kulwinder kaur
कंगना रणौत यांच्या कानशिलात लगावल्याचं प्रकरण; संजय राऊत म्हणाले, “मला त्यांच्याबद्दल सहानुभूती, मात्र…”
kolhapur district bank board of directors pay tribute to pn patil from Italy
इटलीमध्ये आमदार पी. एन. पाटील यांना श्रद्धांजली
judge dog stolen
न्यायाधीशांच्या घरातून श्वानाची चोरी झाल्याचा आरोप; तब्बल २४ जणांवर गुन्हा दाखल; कुठे घडला प्रकार?
Delhi Excise Policy Case
अरविंद केजरीवालांच्या अडचणीत वाढ; १४ दिवसांची कोठडी वाढवण्यासाठी ईडीचा न्यायालयात अर्ज

टिळक पत्रकार भवनात झालेल्या पत्रपरिषदेत निमाचे डॉ. रवींद्र बोथरा म्हणाले, कळमेश्वर परिसरात हल्ली पत्रकार असल्याची बतावणी करून डॉक्टरांना बदनामीची धमकी देत खंडणी मागण्याचे प्रकार वाढले आहेत. या प्रकरणात निमाचे पदाधिकारी डॉ. पांडे यांनाही बदनामीची धमकी दाखवून हा प्रकार घडला. या गंभीर प्रकरणाची तक्रार कळमेश्वर पोलिसांना दिली आहे. परंतु, अद्यापही त्यावर काही झाले नाही.

आणखी वाचा-गडचिरोली : नागरिकांच्या आरोग्यापेक्षा कर्मचाऱ्यांची सुविधा महत्त्वाची? आरोग्य कर्मचाऱ्यांच्या प्रतिनियुक्तीवर प्रश्नचिन्ह

डॉ. पांडे म्हणाले, आमच्या नर्सिंग होममध्ये एक रुग्ण प्रसूतीसाठी दाखल झाली. पाच दिवसांनी तिला सुट्टी दिली गेली. त्यानंतर तिची प्रकृती खालावल्यावर तिला मेडिकलला दाखल केले गेले. तेथे तिचा मृत्यू झाला. या मृत्यूचा आमच्याशी काहीही संबंध नसताना शिवसेनाच्या शिंदे गटाचे मंगेश गमे आणि जितेंद्र कोल्हे, प्रवीण धरमाळी यांनी स्वत:ला पत्रकार सांगत आमची भेट घेतली. आम्हाला बदनामी करण्याची धमकी देत पैशाची मागणी केली. त्यापूर्वी रुग्णाच्या नातेवाईकाने रुग्णालयात आम्हाला धमकावत आमच्याकडून पैसेही उकळले. शेवटी कंटाळून आम्हाला खंडणी मागून युट्यूबवर बातमीतून बदनाम करणाऱ्या व स्वत:ला पत्रकार म्हणणाऱ्याविरुद्ध पोलिसांकडे तक्रार दिली. परंतु अद्यापही पोलिसांकडून हवा तसा प्रतिसाद नाही. पत्रकार परिषदेला निमाचे राज्य महासचिव डॉ. मोहन येंडे यांच्यासह इतरही पदाधिकारी उपस्थित होते.

आणखी वाचा-भंडारा : येराली येथील आश्रम शाळेत ४० विद्यार्थ्यांना विषबाधा

शिवसेनेने आरोप फेटाळले

या प्रकरणात शिवसेनेच्या शिंदे गटाचे खासदार कृपाल तुमाने म्हणाले, मी सध्या दिल्लीत असून मला या प्रकरणाची माहिती नाही. जिल्हाध्यक्ष संदीप इटकेलवार म्हणाले, डॉ. पांडे यांच्याबद्दल तक्रार आल्यावर तेथील पदाधिकारी डॉक्टरांकडे शहानिशा करायला गेले होते. त्यानंतर काय घडले याबाबत तेथील वरिष्ठ पदाधिकाऱ्यांना माहिती घ्यायला लावली. मंगेश गमे म्हणाले, पत्रकार म्हणून आमच्याकडे डॉ. पांडे यांच्या हलगर्जीपणाची तक्रार आली. त्यावर बाजू ऐकण्यासाठी आम्ही डॉ. पांडे यांच्याकडे गेलो. परंतु, पत्रकार परिषदेतून डॉ. पांडे आमची बदनामी करत असल्याने त्यांच्यावर मानहानीचा दावा केला जाईल.