अमरावती : महापालिका कर्मचाऱ्यांच्या संपामुळे कामकाज ठप्‍प

हेही वाचा : अपघातवार! यवतमाळात २४ तासांत विविध पाच अपघातात सात ठार; भरधाव दुचाकी ठरतेय काळ…

महापालिकेची आर्थिक स्थिती पाहता कर्मचाऱ्यांना सातव्या वेतन आयोगाच्या फरकाची थकबाकी देणे सध्या शक्य नसल्याचे महापालिका आयुक्तांनी स्पष्ट केले. तर यापूर्वी आयुक्तांनी पूर्तता करण्याचे लेखी आश्वासन दिले होते, यावर संघटना ठाम राहिली. आयुक्तांनी दिलेले आश्वासन पूर्ण करावे, अशी आग्रही भूमिका संघटनेच्या पदाधिकाऱ्यांनी कायम ठेवल्याने चर्चा कोणत्याही ठोस तोडग्याशिवाय संपली. महापालिकेचा आस्थापना खर्च ७२ टक्क्यांवर गेला आहे. सध्याची आर्थिक स्थिती बिकट आहे. स्थिती सुधारल्यावर फरकाची रक्कम देता येणार आहे. सातवा वेतन लागू करताना ही अट घालण्यात आली होती. संप कालावधीतील वेतन कापण्यात येणार आहे. कर्मचाऱ्यांनी संस्थेची आर्थिक स्थिती पाहता कामावर परत यावे, असे आवाहन महापालिका आयुक्‍तांनी केले आहे.