बुलढाणा तालुका शिवसेनेची आज बैठक, विविध विषयांवर वादळी चर्चेची शक्यता

बुलढाणा अजिंठा महामार्गावरील ‘बी. के. लॉन्स’मध्ये आज बैठकीच्या अध्यक्षस्थानी पालकमंत्री गुलाबराव पाटील हे राहणार आहे. शिवसेना नेते खासदार प्रतापराव जाधव व आमदार संजय गायकवाड यांची प्रमुख उपस्थिती राहणार आहे. बैठकीसाठी शिवसेना, युवासेना, महिला आघाडीचे पदाधिकारी, उप तालुका प्रमुख, विभाग, शाखा प्रमुख, उप प्रमुख यांना निमंत्रित करण्यात आल्याचे पक्ष सूत्रांनी सांगितले. बैठकीत संघटनात्मक बाबीवर विचारविनिमय व मार्गदर्शन होणार असल्याचे सूत्रांनी स्पष्ट केले.

हेही वाचा – चंद्रपूर : ४५ गरोदर माता ‘एचआयव्ही’ बाधित, दोन वर्षांत आढळले ३४७ नवे रुग्ण

जाहिरात प्रकरण गाजणार

या बैठकीत आक्रमक समजले जाणारे तिन्ही नेते भाजपाच्या ‘मिशन-४५’ आणि बहुचर्चित ‘जाहिरात’ प्रकरणी काय बोलतात, काय वक्तव्य करतात हा उत्सुकतेचा विषय ठरला आहे. काल परवा भाजपाला खडे बोल सुनावणारे आमदार गायकवाड मित्र पक्षावर काय बोलतात याकडेही लक्ष लागले आहे.