वडेट्टीवार राहुल गांधीबाबत खरे बोलले! बावनकुळेचा चिमटा

नागपूर : काँग्रेस नेते राहुल गांधी हे चांगले वक्ते नाही, असे काँग्रेस नेते व विरोधी पक्षनेते विजय वडेट्टीवार म्हणाले. ते खरे बोलले आहेत, जर वडेट्टीवार यांना अशी शंका असेल तर त्यांच्या मनात काय सुरू आहे, याचा अर्थ काढावा, असा चिमटा भाजपा प्रदेशाध्यक्ष चंद्रशेखर बावनकुळे यांनी काढला.चंद्रशेखर बावनकुळे नागपूर येथे प्रसार माध्यमांशी बोलत होते. वडेट्टीवार यांची जर ही भूमिका असेल तर २८ पक्षांच्या इंडिया आघाडीच्या सर्व नेत्यांनी राहुल गांधी यांना नेतृत्त्व द्यावे किंवा नाही, याचा विचार करावा, असे बावनकुळे म्हणाले.एकनाथ शिंदे आणि अजित पवार देशहिताच्या विचाराने भाजपा सोबत आले. नरेंद्र मोदी पुन्हा पंतप्रधान व्हावेत, यातच भारताचे कल्याण आहे, असे ते म्हणाले.