scorecardresearch

Premium

नागपूर: राजकीय जुगलबंदी रंगणार! देवेंद्र फडणवीस आणि आदित्य ठाकरे नागपुरात एका मंचावर

अजित पवार, आदित्य ठाकरे उपमुख्यमंत्री देवेंद्र फडणवीस यांच्या उपस्थितीत या सोहळ्याला हजर राहणार असल्याने राजकीय जुगलबंदी रंगणार हे निश्चित आहे.

Devendra Fadnavis-Aditya Thackeray
उपमुख्यमंत्री देवेंद्र फडणवीस, माजी पर्यावरणमंत्री आणि ठाकरे सेनेचे युवा नेते आमदार आदित्य ठाकरे हे सर्वजण एकाच मंचावर दिसणार आहेत. (फोटो सौजन्य- प्रातिनिधिक छायाचित्र)

लोकसत्ता टीम

नागपूर: छत्रपती शिवाजी महाराज स्मारक समितीच्या वतीने महाराजबाग समोरील राष्ट्रसंत तुकडोजी महाराज नागपूर विद्यापीठाच्या परिसरात सिंहासनारूढ छत्रपती शिवाजी महाराजांचा सर्वात मोठा पुतळा उभारण्यात येणार आहे. याचा भूमिपूजन सोहळा १८ जून रोजी सकाळी १० वाजता आयोजिला आहे. भूमिपूजनानंतर मुख्य कार्यक्रम देशपांडे सभागृहात होणार आहे. यावेळी केंद्रीय मंत्री नितीन गडकरी, उपमुख्यमंत्री देवेंद्र फडणवीस, विरोधी पक्षनेते अजित पवार, माजी पर्यावरणमंत्री आणि ठाकरे सेनेचे युवा नेते आमदार आदित्य ठाकरे हे सर्वजण एकाच मंचावर दिसणार आहेत.

harideep singh nijjar
पार्किंगजवळ अडवली गाडी, झाडल्या ५० गोळ्या; हरदीपसिंग निज्जरच्या हत्येचा थरारक घटनाक्रम वाचा!
Parineeti troll
“ही तर हद्द झाली…,” लग्नाच्या दुसऱ्याच दिवशी परिणीती चोप्रा ट्रोल, अभिनेत्रीबद्दल नाराजी व्यक्त करत नेटकरी म्हणाले…
amruta-fadanvis-daughters-day-post
“माझी मुलगीही ‘Awesome’ आहे, कारण…” जागतिक कन्या दिनानिमित्त अमृता फडणवीसांची खास पोस्ट
sharad pawar narendra modi (1)
“पंतप्रधान मोदींचं ‘ते’ विधान क्लेशदायक”, शरद पवारांनी मांडली स्पष्ट भूमिका; दिले १९९३ च्या घडामोडींचे दाखले!

मनसेचे प्रमुख राज ठाकरे यांनाही या कार्यक्रमाला निमंत्रण आहे. पण अद्याप त्यांच्याकडून होकार आलेला नाही. आगामी काळातील निवडणूकांमुळे तसेच छत्रपती शिवाजी महाराज यांच्या राज्याभिषेकाला साडेतीनशे वर्षे पूर्ण झाल्याबद्दल राज्यभर फडणवीस सरकारच्या वतीने सध्या विविध कार्यक्रम घेण्यात येत आहेत. रायगडावर नुकताच राज्याभिषेकाचा मुख्य सोहळा पार पडला.

आणखी वाचा-कोल्हापूरची दंगल सरकार पुरस्कृत! आमदार विजय वडेट्टीवार यांचा आरोप

दुसरीकडे विरोधकांच्यावतीने राज्यभिषेकाला साडेतीनशे वर्षे पुढील वर्षी होणार असताना केवळ निवडणूक डोळ्यापुढे ठेवत हे सारे कार्यक्रम सुरू असल्याचे सांगण्यात येत आहे. मात्र यानंतरही अजित पवार आदित्य ठाकरे उपमुख्यमंत्री देवेंद्र फडणवीस यांच्या उपस्थितीत या सोहळ्याला हजर राहणार असल्याने राजकीय जुगलबंदी रंगणार हे निश्चित आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

First published on: 08-06-2023 at 20:39 IST

संबंधित बातम्या

गणेश उत्सव २०२३ ×