Video : डॉक्टरने भर रस्त्यावर स्वतःला पेटवून घेतले! अकोल्यात मृत्यूशी झुंज, नांदुरा परिसर हादरला

नांदुरा तालुक्यासह बुलढाणा जिल्ह्याला हादरविणारी ही घटना नांदुरा तालुक्यात घडली आहे. बुलढाणा जिल्ह्याच्या घाटाखालील भागातील भर वाहतुकीच्या नांदुरा ते जळगाव जामोद मार्गावर हा थरारक अन तितकाच दुर्दैवी घटनाक्रम घडला. बुलढाणा जिल्ह्यातील नांदुरा ते जळगाव या रस्त्यावरील आलमपुर फाट्यावर आज नेहमीप्रमाणे प्रवासी, प्रवासी वाहतूक करणारी वाहने, फाट्यावरील लहान सहान दुकानें ग्राहकांनी गजबजलेली होती.

गडबडी ची वेळ असल्याने दररोज प्रवास ( अप डाऊन) करणारे कर्मचारी, कामगार, विदयार्थी याने आलमपूर फाटा गर्दीने फुलला होता. या दैनंदिन धामधूमीत तिथे आलेल्या एका व्यक्तीने सोबत आणलेले ज्वालाग्रही ( पेट्रोल) द्रव्य पदार्थ स्वतःच्या अंगावर ओतून घेतले. यामुळे तो उभा पेटला. कुणाच्या ध्याना मनात नसताना अचानक झालेल्या अभूतपूर्व प्रकाराने उपस्थित गावकरी, प्रवासी थक्क झाले.

दरम्यान काही धाडसी गावकर्यांनी हिम्मत दाखवून उभ्या पेटलेल्या व्यक्तीच्या अंगावर पाण्याचा मारा केला. त्यामुळे काही वेळाने आग विझली. मात्र तोपर्यंत तो इसम गंभीर रित्या भाजल्या गेला. दरम्यान घटनेची माहिती मिळताच पोलिस घटनास्थळी दाखल झाले.

त्याला उपचारासाठी अगोदर खामगाव येथील उप जिल्हा रुग्णालयात दाखल करण्यात आले. डॉ चंदू पाटील राहणार पिंपळगाव काळे, तालुका जळगाव जामोद, जिल्हा बुलढाणा असे या इसमाचे नाव असल्याचे प्राथमिक चौकशीत निष्पन्न झाले. तो पशु वैध्यकीय कर्मचारी असल्याचे आढळून आले. कौटुंबिक कलहातून पशु वैद्यकीय व्यवसायात असलेल्या या डॉक्टरने भर रस्त्यावर स्वतःच्या अंगावर पेट्रोल टाकून जाळून घेतल्याचे सूत्रांनी सांगितले.

आलमपुर फाट्यावरील नागरिकांनी घटना घडतात त्याला पाण्याच्या साह्याने आग वीजविली. यानंतर सुरुवातीला खामगाव व नंतर अकोला येथे उपचारासाठी हलविण्यात आले. त्यांची प्रकृती गंभीर असून पोलिसांनी या घटनेची नोंद घेतली आहे.