विशेष रेल्वे गाड्यांना प्रवाशांचा उदंड प्रतिसाद; ‘या’ गाड्यांना मुदतवाढ

अहमदाबाद, भुसावळ, अकोला, नांदेड, काचीगुडा, रेणीगुंटा, तिरुचिरापल्ली मार्गे धावणारी गाडी क्रमांक ०९५२० ओखा – मदुराई साप्ताहिक विशेष गाडीला ०१ ते २९ जानेवारीपर्यंत मुदतवाढ देण्यात आली आहे. गाडी क्रमांक ०९५१९ मदुराई-ओखा साप्ताहिक विशेष गाडीला ५ जानेवारी ते २ फेब्रुवारीपर्यंत मुदतवाढ देण्यात आली आहे. भुसावळ, अकोला, वर्धा, वारंगल, विजयवाडा, विजयनगरम मार्गे धावणारी ०९०६९ सूरत – ब्रह्मपुर साप्ताहिक विशेष गाडीला १७ ते ३१ जानेवारीपर्यंत मुदतवाढ देण्यात आली आहे. ब्रह्मपुर – सुरत साप्ताहिक विशेष गाडीला १९ जानेवारी ते २ फेब्रुवारीपर्यंत मुदतवाढ देण्यात आली आहे.

हेही वाचा – अकोल्यात नववर्षात करोनाचा धोका, सक्रिय रुग्णसंख्येत वाढ; ‘जेएन-१’ बाधित रुग्णाच्या प्रकृतीबाबतचे अपडेट जाणून घ्या….

हेही वाचा – उत्पादन कमी तरीही सोयाबीनला चांगला दर मिळेना! विकावे की प्रतीक्षा करावी? शेतकरी विवंचनेत…

हैदराबाद – जयपूर विशेष गाडीची फेरी रद्द

भोपाळ विभागातील संत हिरडाराम नगर-निशातपुरा दरम्यानच्या तिसऱ्या रेल्वे मार्गाचे काम व निशातपुरा स्थानकावर ‘नॉन इंटरलॉकिंग’चे काम सुरू आहे. त्यामुळे ३८ गाड्या रद्द करण्याचा निर्णय घेण्यात आला. यात अकोला मार्गे धावणाऱ्या हैदराबाद – जयपूर एक्सप्रेस विशेष गाडीचा समावेश आहे. गाडी क्रमांक ०७११५ हैदराबाद – जयपूर एक्सप्रेस विशेष १२ जानेवारी रोजी हैदराबाद स्थानकावरून रद्द केली आहे. गाडी क्रमांक ०७११६ जयपूर – हैदराबाद एक्सप्रेस विशेष १४ जानेवारी रोजी जयपूर स्थानकावरून रद्द केली आहे.