नागपूर: सोने- चांदीचे दर सातत्याने वाढल्याने बघता- बघता हे दर उच्चांकीवर पोहचले होते. त्यामुळे दागिने खरेदीसाठी इच्छुक ग्राहकांमध्ये चिंता वाढली होती. परंतु मागील तीन दिवसांपासून सातत्याने सोन्याच्या दरात घट झाली आहे. त्यामुळे ग्राहकांना मोठा दिलासा मिळाला आहे. तर चांदीच्या दरात मात्र वाढ झालेली दिसत आहे.
नागपुरातील सराफा बाजारात २० मार्च २०२५ रोजी सोन्याचे दर प्रति दहा ग्राम २४ कॅरेटसाठी ८९ हजार २०० रुपये होते. हे दर आजपर्यंतचे विक्रमी दर आहे. त्यानंतर दरात घट वा वाढ नोंदवली जात आहे. सोमवारी (२४ मार्च २०२५) रोजी सोन्याच्या दरात किंचित घट झाली होती. २५ मार्चला सोन्याच्या दरात पून्हा घट झाली. त्यामुळे तेरा दिवसानंतर सोन्याचे दर नागपुरात प्रति दहा ग्राम २४ कॅरेटसाठी ८८ हजार २०० रुपये प्रति दहा ग्रामपर्यंत खाली आले. तर २६ मार्च २०२५ रोजी हे दर आणखी खाली आले आहे.
नागपुरातील सराफा बाजारात मंगळवारी (२५ मार्च २०२५)सोन्याचे दर २४ कॅरेटसाठी प्रति दहा ग्राम ८७ हजार ९०० रुपये, २२ कॅरेटसाठी ८१ हजार ७०० रुपये, १८ कॅरेटसाठी ६८ हजार ६०० रुपये, १४ कॅरेटसाठी ५७ हजार १०० रुपये नोंदवले गेले. हे दर बुधवारी (२६ मार्च २०२५ रोजी) २४ कॅरेटसाठी प्रति दहा ग्राम ८७ हजार ८०० रुपये, २२ कॅरेटसाठी ८१ हजार ७०० रुपये, १८ कॅरेटसाठी ६८ हजार ५०० रुपये, १४ कॅरेटसाठी ५७ हजार १०० रुपये नोंदवले गेले होते. त्यामुळे नागपुरातील सराफा बाजारात २५ मार्च २०२५ रोजीच्या तुलनेत २६ मार्च २०२५ रोजी सोन्याचे दर २४ कॅरेटसाठी प्रति दहा ग्राम १०० रुपये, १८ कॅरेटसाठी १०० रुपये घसरल्याचे दिसत आहे. तर २२ कॅरेट आणि १४ कॅरेटच्या दरात बदल नाही. त्यामुळे लग्नसमारंभ, वाढदिवसासह इतर कार्यक्रमात दागिने खरेदीचा बेत असलेल्या ग्राहकांना किंचित दिलासा मिळाला आहे.
चांदीच्या दरात मात्र उलट स्थिती…
नागपुरातील सराफा बाजारात २४ मार्च २०२५ रोजी चांदीचे दर प्रति किलो ९८ हजार ५०० रुपये होते. हे दर आज मंगळवारी (२५ मार्च २०२५ रोजी) प्रति किलो ९८ हजार ५०० रुपये नोंदवले गेले. तर हे दर २६ मार्च २०२५ रोजी ९९ हजार ५०० रुपये किलो नोंदवले गेले. त्यामुळे चांदीच्या दरात मंगळवारच्या तुलनेत बुधवारी प्रति किलो १ हजार रुपयांची वाढ नोंदवली गेली.
