बुलढाणा : बुलढाणा खामगाव (बोथा) मार्गावरील भादोलानजीक झालेल्या भीषण अपघातात दुचाकीवरील तिघे जण ठार झाले. दैव बलवत्तर म्हणून पाच वर्षांचा बालक सुखरूप बचावला. तिन्ही मृतक भादोला (ता. बुलढाणा) येथील रहिवासी आहेत. प्राथमिक माहितीनुसार, एकाच दुचाकीवरून चार जण गावाकडे जात असताना मोरे पेट्रोलपंपानजीकच्या पोखरी फाट्याजवळ अज्ञात वाहनाने त्यांच्या दुचाकीला धडक दिली. यामुळे वाहनावरील तिघे जण दगावले. त्यांच्या सोबतचा चिमुकला मात्र सुदैवाने बचावला. बुलढाणा पोलिसांनी घटनास्थळी धाव घेतली.