नागपूर : राज्यात १ जानेवारी २०२३ ते ३० एप्रिल २०२३ या चार महिन्याच्या कालावधीच्या तुलनेत १ जानेवारी २०२४ ते १४ एप्रिल २०२४ या कालावधीत चिकनगुनियाच्या रुग्णसंख्येत चौपट वाढ झाली आहे. आरोग्य विभागाच्या अहवालातून ही आकडेवारी पुढे आली आहे.

‘एडीस’ जातीच्या डासाच्या माध्यमातून पसरणारा चिकनगुनिया हा रोग एका विशिष्ट विषाणूपासून होतो. राज्यातील सर्व जिल्हे व महापालिका हद्दीत १ जानेवारी २०२३ ते ३० एप्रिल २०२३ दरम्यान चिकनगुनियाच्या ४ हजार १९३ संशयित रुग्णांच्या तपासणीपैकी ९७ रुग्णांमध्ये या आजाराचे निदान झाले. १ एप्रिल २०२४ ते १४ एप्रिल २०२४ दरम्यान राज्यात ५ हजार ८१६ संशयितांपैकी ४०० रुग्णांमध्ये चिकनगुनियाचे निदान झाले. त्यामुळे मागील वर्षीहून हे रुग्ण चारपट वाढलेले दिसत आहे.

Gadchiroli, Mumbai,
गडचिरोली, मुंबई हिवतापग्रस्त! राज्याचा आरोग्य विभाग अ‍ॅक्शन मोडवर
Why does the UN think the whole year has been a climate hell of heat waves
संपूर्ण वर्ष उष्णतेच्या लाटेचे ‘हवामान नरक’ ठरले असे यूएनला का वाटते?
Dengue risk increased in state
राज्यात डेंग्यूचा धोका वाढला, गेल्या वर्षीच्या तुलनेत रुग्णसंख्या दीडपट; पालघर, कोल्हापूरमध्ये जास्त प्रमाण
May PMI at 5 month low
सेवा क्षेत्रही मरगळीकडे! मेचा ‘पीएमआय’ ५ महिन्यांच्या नीचांकांवर
Sensex Nifty down six percent
मतदानोत्तर अंदाजातून कमावलेले, मतमोजणीनंतर गमावले; सेन्सेक्स-निफ्टीची सहा टक्क्यांनी आपटी
Heavy rainfall from June in state above average rainfall forecast from June to September in the state
राज्यात जूनपासून कोसळधारा, जून ते सप्टेंबरमध्ये सरासरीपेक्षा जास्त पावसाचा अंदाज
Rajkot Fire
“राजकोट आग प्रकरण म्हणजे मानवनिर्मित आपत्ती”, गुजरात उच्च न्यायालयाने सुनावलं
250 heat stroke patients in the state Most patients in Jalna Nashik Buldhana
राज्यात उष्माघाताचे रुग्ण २५० पार; जालना, नाशिक, बुलढाणामध्ये सर्वाधिक रुग्ण

आणखी वाचा-लाडकी प्रेयसी बोलेना, हळव्या प्रियकराचे डोके सटकले अन् त्याने दुकानच पेटवले…

राज्यातील सर्व महापालिका भागात १ जानेवारी २०२३ ते ३० एप्रिल २०२३ दरम्यान ३ हजार ४३९ संशयितांपैकी ४० रुग्णांमध्ये तर १ जानेवारी २०२४ ते १४ एप्रिल २०२४ दरम्यान ३ हजार ६०६ संशयितांपैकी १२५ रुग्णांमध्ये चिकनगुनियाचे निदान झाले. राज्यातील महापालिका भाग वगळून इतर सर्व जिल्ह्यांमध्ये १ जानेवारी २०२३ ते ३० एप्रिल २०२३ दरम्यान ७५४ संशयितांपैकी ५७ रुग्णांमध्ये तर १ जानेवारी २०२४ ते १४ एप्रिल २०२४ दरम्यान २ हजार २१० संशयितांपैकी २७५ रुग्णांमध्ये चिकनगुनियाचे निदान झाले. या आकडेवारीला आरोग्य विभागाच्या पुणे कार्यालयातील एका अधिकाऱ्याने नाव न टाकण्याच्या अटीवर दुजोरा दिला.

चिकनगुनिया रुग्णांची स्थिती (महापालिका क्षेत्र) (जानेवारी ते एप्रिल दरम्यान)

महापालिका २०२३ २०२४ (१४ एप्रिलपर्यंत)
अकोला ०३३६
सांगली ०५३५
बृहन्मुंबई ०८२०
नाशिक ०२ १०
कोल्हापूर १४ १०
पुणे ०२ ०९
अमरावती ०१ ०४
सोलापूर ०४ ०१