नागपूर : पोळा हा श्रावण मासाचा शेवटचा दिवस असतो. त्यानंतर लगेच काही दिवसांत हरितालिका आणि गणपती उत्सव सुरू होतो. त्यामुळे श्रावण मासात महिनाभर शांत बलेले मांसाहार करणारे नागरिक पोळ्याच्या पाडव्याची फार आतुरतेने वाट बघत असतात. त्यामुळे शनिवार आणि रविवार नागपूरच्या मटन, चिकनच्या दुकानावर प्रचंड गर्दी दिसून आली. अनेकांनी पहाटेपासून दुकानात गर्दी केली होती. शहरात पंधरा हजारांहून अधिक बोकड कापल्याची माहिती आहे.
श्रावण मास संपल्याने पोळ्याच्या दुसऱ्या दिवशी म्हणजेच पाडव्याच्या दिवशी मांसाहाराला चांगली मागणी असते. मात्र, यंदा पाडव्याचा दिवस शनिवार आल्याने अनेकांनी त्या दिवशी मटन किंवा चिकन घेणे टाळले. त्यामुळे रविवारी मटन, चिकनच्या दुकानावर प्रचंड गर्दी दिसून आली. शहरातील विविध भागात चिकन आणि मटणाच्या दुकानांवर रविवारी रांगा लागल्या होत्या आणि ते यंदाच्या पोळ्याच्या पाडव्याचे वैशिष्ट्य राहिले.
विशेष म्हणजे नागपुरात पाडव्याच्या निमित्ताने जवळपास १५ हजाराहून अधिक बोकड कपल्याची माहिती मोमीनपुरा येथील एका व्यापाऱ्याने दिले तर इंडियन बॉयलरच्या खान यांनी सांगितले की मटणापेक्षा चिकनाला अधिक मागणी होती. आज रविवार असल्याने जवळपास दहा टणाहून अधिक चिकन विकल्याची माहिती त्यांनी दिली.
नागपूरकरांनी तर मटन आणि चिकन दुकानाबाहेर मोठी रांग लावली आहे. मस्त मटनावर ताव मारत नागरिकांनी पाडव्याचा दुसरा दिवस साजरा केला. मटणाच्या मागणीत देखील मोठी वाढ झाली आहे. मटनाच्या दरात प्रति किलो १०० रुपयाने वाढ झाली आहे.
मटनाचे भाव वाढले
पोळा सणामुळे राज्यात अनेक ठिकाणी मटनच्या दरात २०० रुपयांनी वाढ करण्यात आली आहे. सध्या नागपुरात मटन ९०० रुपये किलो मिळत आहे. अन्य दिवशी मटन ७०० तर काही ठिकाणी ६५० रुपये प्रति किलो विकले जाते. मात्र पाडव्यामुळे मटन आणि चिकन विक्रेत्यांनी भाव वाढवले. भाववाढ झाली असली तरी देखील मटन खरेदीदीसाठी शॉप बाहेर मोठी गर्दी झाली आहे.
पहाटेपासून मटणाच्या दुकानांवर रांगा
शनिवार आणि रविवारी मटण आणि चिकनच्या दुकानावर पहाटे पाच वाजतापासून लोकांच्या रांगा दिसून आल्या. रविवार हा दिवस सर्वांनाच ‘नॉनव्हेज’ खाण्यासाठी योग्य असल्याने नागपूरत विक्रमी मागणी वाढली होती. त्याचा फायदा घेत दुकानदारांनी दर वाढवले होते.
