“प्रफुल्ल पटेल यांना आता मिर्ची देखील गोड लागू लागली, कारण…”, रोहित पवारांचा प्रफुल्ल पटेलांवर हल्लाबोल

महाविकास आघाडीचे उमेदवार डा.प्रशांत पडोळे यांच्या प्रचारार्थ कार्यकर्ता मेळाव्याचे आयोजन गोंदिया जिल्ह्याच्या सडक अर्जुनी तालुक्यातील तेजस्वीनी लॉन येथे करण्यात आले होते. दरम्यान पत्रकारांनी विचारलेल्या प्रश्नांची उत्तरे देताना आमदार रोहित पवार यांनी प्रफुल्ल पटेल आणि भाजप पक्षावर विविध आरोप केले. ते पुढे म्हणाले प्रफुल्ल पटेलांनी जास्त अहंकार दाखवू नका, नाहीतर तुमचे बारा वाजल्या शिवाय राहणार नाही.

हेही वाचा : चंद्रपूर : जलाशय व धरणे कोरडे पडण्याच्या मार्गांवर

मी जेवढी इंग्रजी बोललो तेवढी इंग्रजी समोरच्या उमेदवाराने पाठ करून जरी बोलून दाखवली तरी मी उमेदवारी अर्ज भरणार नाही. असे वक्तव्य सुजय विखे यांनी केले होते. यावर रोहित पवार यांनी सुजय विखे पाटील यांच्यावर हल्ला चढवत म्हणाले “संसदेत नागरिकांचे समस्या कोणत्याही भाषेमध्ये मांडता येते त्याला भाषेची मर्यादा नाही. त्यामुळे भाषेचे मुद्दे उपस्थित करून लोकांचे जिव्हाळ्याचे मुद्दे बाजूला करत असाल तर हे योग्य नाही.

हेही वाचा : पंतप्रधान नरेंद्र मोदींची ८ एप्रिलला चंद्रपुरात सभा

एखादा शेतकरी कष्टकऱ्यांच्या घरी जाणं मी जास्त उचित समजतो : रोहित पवार

राष्ट्रवादीमध्ये उभी फूट पडल्यानंतर राष्ट्रवादी चे नेते प्रफुल्ल पटेल यांनी पवार कुटुंबीयांशी माझे नातं तुटलेलं नाही. रोहित पवार गोंदियात आले तर माझे दार त्यांच्यासाठी नेहमी उघडे आहे. असे वक्तव्य केले होते. यावर रोहित पवार प्रफुल्ल पटेल यांच्या गृह जिल्ह्यात आले असता त्यांना विचारले तर त्यांनी “मी एखाद्या शेतकरी कष्टकऱ्यांच्या घरी जाणं जास्त उचित समजतो. पवार साहेबांच्या विचारांच्या पक्के असलेल्या कार्यकर्त्यांच्या घरी मी जाईन पण तुमच्या हवेलीत जाणार नाही असे म्हणत प्रफुल्ल पटेल यांच्या आमंत्रणाला रोहित पवारांनी नकार दिला. गोंदिया – भंडारात महाविकास आघाडीचाच उमदेवार निवडून येईल असा दृढ विश्वास रोहित पवार यांनी व्यक्त केला.