सावनेरातील रॉयल लॉजवर देहव्यापार, पोलिसांनी छापा टाकताच…

हेही वाचा : बलात्कारी गुराख्याची माहिती देणाऱ्याला ५ लाखांचे बक्षीस; ७ दिवसांनंतरही आरोपी फरार

गेल्या अनेक महिन्यांपासून सावनेरातील रॉयल लॉजवर सेक्स रॅकेट सुरु होते. या लॉजवर नागपुरातील अनेक तरुणी वेश्याव्यवसाय करीत होत्या. त्यामध्ये काही महाविद्यालयीन तरुणींचा समावेश आहे. सोमवारी ग्रामीण पोलिसांनी लॉजवर छापा घातला. यावेळी एका तरुणीसह रंजीत वानखडे हा देहव्यापार करताना आढळला. त्याच्याविरुद्ध पोलिसांनी गुन्हा दाखल केला. पीडित तरुणीलाही पोलिसांनी ताब्यात घेतले. ती तरुणी उच्चशिक्षित असून आर्थिक स्थितीमुळे ती वेश्याव्यवसाय करीत होती. तिला प्रतिग्राहक १०० रुपये देण्यात येत होते. नागरिकांनीही या लॉजबाबत अनेक तक्रारी पोलिसांकडे केल्या होत्या, हे विशेष.