जरांगे पाटलांच्या मार्गावर गोमूत्र शिंपडले….चले जावच्या घोषणा!

वाशीम : वाशीम येथील जाहीर सभेला संबोधित करण्यासाठी मनोज जरांगे पातूरमार्गे वाशीम शहरात येत असताना सकल ओबीसी समाज बांधवानी त्यांना काळे झेंडे दाखवीत, रस्त्यावर गोमूत्र शिंपडून निषेध व्यक्त केला. मनोज जरांगे हे राज्यात ओबीसी आणि मराठा समाजात तेढ निर्माण करीत आहेत. ते भाषणात नेहमीच ओबीसी नेते छगन भुजबळ व इतर नेत्यावर बोलतात त्यांना दुसरे नेते दिसत नाहीत का, असा सवाल सकल ओबीसी समाज बांधवानी केला.