नागपूर: केसीआर यांच्या बीआरएसचा संघभूमीतून शड्डू; राज्यातील पहिले कार्यालय नागपुरात, उद्या उद्घाटन

हेही वाचा >>> शेगावातील सोनारास गंडविणारा संभाजीनगरचा ठगसेन गजाआड; आरोपीचे मराठवाडा कनेक्शन

या दौऱ्याच्या निमित्ताने नागपूर शहरात ठिकठिकाणी ‘अब की बार किसान सरकार’चा नारा गुंजनार आहे. दरम्यान, मंगकवरी चेन्नुर विधानसभेचे  आमदार बलका सुमन यांनी कार्यक्रमाच्या तयारीचा आढावा घेतला. नियोजित कार्यक्रमानुसार १५ जूनला दुपारी १ वाजता मुख्यमंत्री के. चंद्रशेखर राव नागपूर विमानतळावर पोहचतील. त्यानंतर दुपारी १.१५ वाजता  बीआरएस पक्ष, महाराष्ट्र कार्यालयाचे उद्घाटन प्लॉट नंबर १४, रामकृष्ण नगर, साई मंदिराजवळ, वर्धा रोड येथे होईल. दुपारी २ वाजता कविवर्य सुरेश भट सभागृह, रेशिमबाग येथे कार्यकर्ता मेळावा होणार असून, विदर्भातील विविध राजकीय पक्षातील पदाधिकाऱ्यांसह शेकडो कार्यकर्त्यांचा पक्ष प्रवेश होईल.  त्यानंतर मुख्यमंत्री के चंद्रशेखर राव सभेला संबोधित करतील, अशी माहिती भारत राष्ट्र समितीचे पूर्व विदर्भ समन्वयक ज्ञानेश वाकुडकर यांनी दिली.