लोकसत्ता टीम

वर्धा : मुलांना चांगले वळण लावण्याचा प्रयत्न आईवडील नेहमीच करतात. त्यात जर वडील नसतील तर मुलांकडे आई अधिकच माया लावून लक्ष ठेवते. मात्र चुकीच्या गोष्टीसाठी हटकले म्हणून मुलाने आईचा निर्घृण खून केल्याची खळबळजनक घटना उजेडात आली आहे.

Womens health Which blood type is required for marriage
स्त्री आरोग्य : लग्नाच्या होकारासाठी रक्तगट कोणता हवा?
nia denies allegations of unlawful actions in bengal s bhupatinagar
छाप्यांमागे दुष्ट हेतू नाही! आरोपीच्या पत्नीच्या तक्रारीनंतर ‘एनआयए’चा खुलासा
Boy killed for resisting unnatural act Sheel Daighar police arrests two
अनैसर्गिक कृत्यास विरोध केल्याने मुलाची हत्या, शीळ डायघर पोलिसांनी केली दोघांना अटक
A layer of Water Hyacinth due to pollution in the river saved the life of a young woman who committed suicide
तरुणीने आत्महत्या केली, पण जलपर्णीने वाचवले; ग्रामस्थांनी वेळेत मदत केल्याने तरुणी सुखरूप

आर्वी तालुक्यातील खरंगणा हद्दीत असलेल्या काचनूर गावात ही घटना घडली आहे. सोपान मुरलीधर पुसदकर असे आरोपी मुलाचे नाव असून मृत आई मीरा मुरलीधर पुसदकर आहे. आरोपीस वडील नसून दोन बहिणींचे लग्न झाल्यानंतर आई व मुलगा दोघे सोबतच राहायचे. मुलाचे गावातीलच एका महिलेसोबत अनैतिक संबंध होते. आई त्यास विरोध करायची. त्यातूनच घटनेच्या दिवशी रात्री वाद झाला. वाद विकोपास गेल्यावर मुलाने रागाच्या भरात बाजूलाच असलेल्या पाटा वारवंट्यातील वरवंटा उचलून आईच्या डोक्यात हाणला. त्यात आईचा जागीच मृत्यू झाला.

आणखी वाचा-दोन खुनांच्या घटनांनी यवतमाळ जिल्हा हादरला; आर्णीत जावयाकडून सासऱ्याची हत्या, पांढरकवडात तरुणाला संपविले

पोलीस पाटील उमेश अंभोरे यांनी खरंगना पोलीसांना या घटनेची माहिती दिल्यानंतर ठाणेदार सदाशिव ढाकणे गावात पोहचले. तसेच वरिष्ठ अधिकारी खंडेराव व वृष्टी जैन यांनी भेट देत तपासास दिशा दिली. सहाय्यक पोलीस निरीक्षक विनोद सानप तसेच धीरज मिसाळ, विठ्ठल केंद्रे, मनीष वैद्य, श्यामराव इवनाथे, वसंता पिसे, अमोल इंगोले, प्रतिभा पेंदाम, योगेश्री उके यांची चमू तपास करीत आहे. श्वानपथक तसेच ठसे तज्ञ यांची मदत घेऊन पुढील तपास सुरू आहे.